vishay soochi
shrikrishn lila ka chintan
47. aghasur ka uddhar
shashaank shekhar ki drishti nimesh shoony ho gayi hai; surendr ki, sur-samuday ki to bat hi kya. shrikrishnachandr ka balyavihar pratyaksh ho jane par kise anand mugdh nahian kar deta. is rasamandakini ki dhara kise atmasat nahian kar leti! haan, ek varg aisa avashy hai, jisako aankhean is strot ka sparsh pakar shital nahian hotian, apitu aur bhi jalane lagati haian. isaki oormiyoan mean ho nirantar avagahan karate rahane ki, inhian mean mil jane ki lalasa us varn ke praniyoan mean uday nahian hoti, isake badale vahaan to is pravah ko samool vilupt kar dene ka hi bhav jag uthat hai. vah varg hai asur-siramaur madhupur-samrat kans ka. aur is varg ka hi ek vishisht sadasy aghasur apane adhishvar se prerit ho yahaan aj vrindavan mean aya hai; shrikrishnachandr ka, gopashishuoan ka svachchhand, sukhamay vihar dekh raha hai; jyoan-jyoan dekhata hai, usake hriday ka uttap badhata jata hai; shrikrishnachandr ki, unake sakhaoan ki yah sukh kri da usake netroan ke liye asahy banati ja rahi hai. yah vahi aghausar hai, jisake bal ki chhap samast surasamuday par aankit hai, amrit pan se amar ban jane par bhi dev samaj jisase nity sashankit hai, apane pranoan ki raksha ke liye jise nidhan ki nity pratiksha karata rahata hai kab vah shubh kshan upasthit ho, agh ka ant ho jay aur sudhapan vyarth ho jane ki sambhavana jati rahe!-
|
tika-tippani aur sandarbh
- ↑ (shrimadbha. 10.12.13)
sanbandhit lekh
kram sankhya | path ka nam | prishth sankhya |