ekaviansh (21) adhhyay: sabha parv (jarasandhavadh parv)
mahabharat: sabha parv: ekaviansh adhyay: shlok 16-28 ka hindi anuvad
tadanantar ve atyant prasann hokar magadh ki rajadhani girivraj ke bhitar ghuse. isi samay vedoan ke paragami vidvanh brahmanoan ne anek apashakun dekhakar raja jarasandh ko unake vishay mean soochit kiya. purohitoan ne raja ko hathi par bithakar usake charoan or prajvalit ag ghumayi. pratapi raja jarasandh ne anisht ki shanti ke liye vrat ki diksha ke niyamoan ka palan karate hue upavas kiya. bharat! idhar bhagavanh shrikrishn, bhimasen aur arjun snatak vrat ka palan karane vale brahmanoan ke vesh mean astr-shastroan ka parityag karake apani bhujaoan se hi ayudhoan ka kam lete hue jarasandh ke sath yuddh karane ki ichchha rakhakar nagar mean pravisht hue. unhoanne khane-pine ki vastuoan, phool-malaoan tatha any avashyak padarthoan ki dukanoan se saje hue hat-bat ki apoorv shobha aur sampada dekhi. nagar ka vah vaibhav bahut badha-chadha, sarvagun sampann tatha samast kamanaoan ki poorti karane vala tha. us gali ki adbhut samriddhi ko dekhakar ve mahabali narashreshth shrikrishn, bhim aur arjun ek mali se balapoorvak bahut si malaean lekar nagar ki pradhan s dak se chalane lage. un sabake vastr anek rang ke the. unhoanne gale mean har aur kanoan mean chamakile kundal pahan rakhe the. ve kramashah buddhimanh raja jarasandh ke mahal ke samip ja pahuanche. jaise himalay ki guphaoan mean rahane vale sianh gauoan ka sthan dhooandhate hue age badhate hoan, usi prakar ve tinoan vir rajabhavan ki talash karate hue vahaan pahuanche the. maharaj! yuddh mean vishesh shobha pane vale un tinoan viroan ki bhujaean sakhoo ke latthe jaisi sushobhit ho rahian thi. un par chandan aur aanguru ka lep kiya gaya tha. |
tika tippani aur sandarbh
sanbandhit lekh
varnamala kramanusar lekh khoj