saptadash (17) adhhyay: sabha parv (rajasooyarambh parv)
mahabharat: sabha parv: saptadash adhyay: shlok 26-39 ka hindi anuvad
is prakar chandakaushik muni ne usake liye ye ath var diye. muni ka yah vachan sunakar un param buddhimanh raja brihadrath ne unake donoan charanoan mean mastak rakhakar pranam kiya aur apane ghar ko laut gaye. bharatashreshth! un uttam naresh ne uchit kal ka vichar karake donoan patniyoan ke liye vah ek phal de diya. un donoan shubhasvaroopa raniyoan ne us am ke do tuk de karake ek-ek tuk da kha liya. hone vali bat hokar hi rahati hai, isaliye tatha muni ki satyavadita ke prabhav se vah phal khane ke karan donoan raniyoan ke garbh rah gaye. unhean garbhavati huee dekhakar raja ko b di prasannata huee. mahaprajn yudhishthir! prasavakal poorn hone par un donoan raniyoan ne yathasamay apane garbh se sharir ka ek-ek tuk da paida kiya. pratyek tuk de mean ek aankh, ek hath, ek pair, adha pet, adha muanh aur kati ke niche ka adha bhag tha. ek sharir ke un tuk doan ko dekhakar ve donoan bhay ke mare thar-thar kaanpane lagian. unaka hriday udvign ho utha; abala hi to thian. un donoan bahinoan ne atyant dukhi hokar paraspar salah karake un donoan tuk doan ko, jinamean jiv tatha pran vidyaman the, tyag diya. un donoan ki dhayean garbh ke un tuk doan ko kap de se dhakakar antahpur ke daravaje se bahar nikalian aur chaurahe par pheank kar chalian gayian. purushasianh! chaurahe par pheanke hue un tuk doan ko rakt aur maans khane vale jara nam ki ek rakshasi ne utha liya |
tika tippani aur sandarbh
sanbandhit lekh
varnamala kramanusar lekh khoj