trichathvarianshadadhikashatatam (143) adhhyay: anushasan parv (danadharm parv)
mahabharat: anushasan parv: trichatvarianshadadhikashatatam adhyay: shlok 38-54 ka hindi anuvad
kshatriy sada prasannatapoorvak sabaka atithy satkar karate hue dharm, arth aur kam ka sevan kare. shoodr bhi yadi ann ki ichchha rakhakar usake liye prarthana kare to kshatriy unake liye sada yahi uttar de ki tumhare liye bhojan taiyar hai, chalo kar lo. vah svarth ya kamanavash kisi vastu ka pradarshan n kare. jo pitaroan, devataoan tatha atithiyoan ki seva ke liye cheshta karata hai, vahi shreshth kshatriy hai. kshatriy apane hi ghar mean nyayapoorvak bhiksha (bhojan) kare. tinoan samay vidhivath agnihotr karata rahe. vah dharm mean sthit ho trividh agniyoan ki mantrapoorvak paricharya se pavitrachitt ho yadi gauoan tatha brahmanoan ke hit ke liye samar mean shatru ka samana karate hue mara jaye to doosare janm mean brahman hota hai. is prakar dharmatma kshatriy apane karm se janmantar mean jnan-vijnan sampann, sanskarayukt tatha vedoan ka parangat vidvan brahman hota hai. devi! in karmaphaloan ke prabhav se nich jati evan hin kul mean utpann hua shoodr bhi janmantar mean shastrajnan sampann aur sanskarayukt brahman hota hai. brahman bhi yadi durachari hokar sampoorn sankar jatiyoan ke ghar bhojan karane lage to vah brahmanatv ka parityag karake vaisa hi shoodr ban jata hai. devi! shoodr bhi yadi jitendriy hokar pavitr karmoan ke anushthan se apane antahkaran ko shuddh bana leta hai, vah dvij ki hi bhaanti sevy hota hai- yah sakshath brahma ji ka kathan hai. mera to aisa vichar hai ki yadi shoodr ke svabhav aur karm donoan hi uttam hoan to vah dvijati se bhi badhakar manane yogy hai. brahmanatv ki prapti mean n to keval yoni, n sanskar, n shastrajnan aur n santati hi karan hai. brahmanatv ka pradhan hetu to sadachar hi hai. lok mean yah sara brahman samuday sadachar se hi apane pad par bana hua hai. sadachar mean sthit rahane vala shoodr bhi brahmanatv ko prapt ho sakata hai. sushroni! brahm ka svabhav sarvatr saman hai. jisake bhitar us nirgun aur nirmal brahm ka jnan hai, vahi vastav mean brahman hai, aisa mera vichar hai. devi! ye jo charoan varnoan ke sthan aur vibhag batalaye gaye haian, ye us-us jati mean janm grahan karane ke phal haian. praja ki srishti karate samay varadata brahma ji ne svayan hi yah bat kahi hai. bhamini! brahman sansar mean ek mahan kshetr hai. doosare kshetroan ki apeksha isamean visheshata itani hi hai ki yah pairoan se yukt chalata-phirata khet hai. is kshetr mean jo bij dala jata hai, vah paralok ke liye jivika ki sadhanaroop kheti ke roop mean parinat ho jata hai. |
tika tippani aur sandarbh
sanbandhit lekh
varnamala kramanusar lekh khoj