|
adhyay-2
saankhy-siddhant aur yog ka abhyas
7.karpanyadosho pahatasvabhavah
prichchhami tvaan dharmasamoodhachetaah.
yachchheyah syannishchitan broohi tanme,
shishyasteahan shadhi maan tvaan prapannamh॥
mera sampoorn apanapan (bhavukatapoorn) daya ki durbalata se grast ho utha hai. apane karttavy ke vishay mean mera chitt moodh ho gaya hai. isalie maian tumase poochhata hooan. mujhe nishchit roop se yah bataoan ki mere lie kya bhala hai. maian tumhara shishy hooan. maian tumhari sharan mean aya hooan. mujhe upadesh do.
nishchitamh: nishchit roop se. arjun keval nirasha, chinta ya sanshay se hi prerit nahian hai, apitu vah nishchay ke liye tivr ichchha se bhi prerit hai.
apani avivekashilata ko anubhav karana vyakti ke vivek ke vikas ki or age badhana hai. apoornata ki sajag anubhooti is bat ki dyotak hai ki atm sachet hai aur jab tak vah sachet hai, vah sudhar sakati hai, jaise ki jivit sharir kisi jagah chot kha jane ya kat jane par phir svasth ho sakata hai. manav-prani pashchattap ke sankatakal mean se gujarakar uchchatar dasha ki or badhata hai.
jijnasuoan ka yah samany anubhav hai ki ve jab prakash ki dehali par kh de hote haian, tab bhi ve sanshayoan aur kathinaiyoan se grast rahate haian. jab prakash kisi atma mean chamakana shuroo hota hai, to vah usake pratirodh ke lie andhakar ko bhi badhava deta hai. arjun ke samane bahy aur antarik kathinaiyaan, udaharan ke lie sambandhiyoan aur mitroan ka pratirodh, sanshay aur bhay, vasanaean aur ichchhaean vidyaman haian. in sabako vedi par bali kar dena hoga aur jnan ki ag mean bhasm kar dena hoga. andhakar ke sath sangharsh tab tak chalata rahega, jab tak vyakti ka sampoorn apanapan prakash se n bhar uthe. dinata ke bojh se daba hua, kya sahi hai aur kya galat, is vishay mean duvidha mean p da hua arjun apane guru se, apane andan vidyaman bhagavanh se prakash aur path-pradarshan prapt karana chahata hai. jab kisi ka sansar nasht ho raha ho,tab vah keval antarmukh hokar bhagavanh ki asim daya ke upahar ke roop mean jnan ki khoj kar sakata hai.
arjun kisi adhividya ki maang nahian karata, kyoan ki vah jnan ka anveshak nahian hai. vah to ek karmashil manushy hai; isalie vah karm ka vidhan janana chahata hai. vah apana kartavy janana chahata hai. vah janana chahata hai ki use kis kathinaee ke avasar par kya karana hai. ’’ svami, tum mujhase kya karane ki apeksha karate ho?’’ arjun ki bhaanti sadhak ko apani durbalata aur ajnan ko anubhav karana hoga aur phir bhi use paramatma ki ichchha ke anusar kary karane, aur vah ichchha kya hai, ise khoj nikalane ke lie katibaddh hona hoga.
|
|
