shiv! tum sau koti kalpoan ke pashchath shiva ko grahan karoge. mera vachan kabhi vyarth nahian hota. tumhean isaka palan karana chahiye. tum mere aur apane vachan ka bhi palan karo.
shambho! tum prakriti (durga)– ko grahan karake divy sahasr varshoan tak mahan sukh evan shrriangararas ka asvadan karoge, isamean sanshay nahian hai. tum keval tapasvi nahian ho. mere saman hi mahan eeshvar ho. jo svechchhamay eeshvar hai, vah samayanusar grihi, tapasvi aur yogi hua karata hai.
shiv! dar-sanyog (patni-parigrah) mean tumane jo duahkh bataya hai, usake vishay mean maian yah kahana chahata hooan ki kulata stri hi svami ko duahkh deti hai, pativrata nahian. jo mahan kul mean utpann huee hai, kulin evan kul-maryada ka palan karane vali hai, vah snehapoorvak usi tarah pati ka palan karati hai, jaise mata uttam putr ka. pati patit ho ya apatit, daridr ho ya dhanavan-kulavati stri ke liye vahi bandhu, ashray aur devata hai. jo nich kul mean utpann huee hai, jinamean mata-pita ke bure shil, svabhav aur acharan ka sammishran hua hai tatha jo parapurushoan ke upabhog mean ane vali haian, avashy ve hi striyaan sada pati ki ninda karati haian. jo pati ko ham donoan se bhi badhakar dekhati aur samajhati hai, vah sati-sadhvi stri golok mean apane svami ke sath koti kalpoan tak anand bhogati hai.
shiv! vah vaishnavi prakriti shiv priya hokar tumhare liye kalyanamayi hogi. atah meri ajna se lok-kalyan ke nimitt us sadhvi ko bharyaroop se grahan karo.
tadanantar bhagavan shrikrishn ne shivaliang ke sthapan aur poojan ka mahan phal batalate hue kaha– jo ‘mahadev’, ‘mahadev’ aur ‘mahadev’ ka uchcharan karata hai, usake pichhe maian us nam-shravan ke lobh se atyant bhayabhit ki bhaanti jata hooan. jo manushy ‘shiv’ shabd ka uchcharan karake pranoan ka parityag karata hai, vah koti janmoan ke uparjit pap se mukt ho moksh prapt kar leta hai. ‘shiv’ shabd kalyan ka vachak hai aur ‘kalyan’ shabd mukti ka. shiv ke uchcharan se moksh ya kalyan ki prapti hoti hai, isiliye mahadev ji ko shiv kaha gaya hai.[1] dhan aur bhaee-bandhuoan ka viyog hone par jo shok-sagar mean doob gaya ho, vah manushy shiv shabd ka uchcharan karake sarvatha kalyan ka bhagi hota hai. ‘shi’ papanashak arth mean hai aur ‘v’ mokshadayak arth mean. mahadev ji manushyoan ke papahanta aur mokshadata haian. isaliye unhean shiv kaha gaya hai. jisaki vani mean shiv- yah mangalamay nam vidyaman hai, usake karo doan janmoan ka pap nishchay hi nasht ho jata hai.