bhagavan narayan ne kaha– narad! suno. kanvashakha mean kahi huee paddhati batalata hooan. isamean jaganmata sarasvati ke poojan ki vidhi varnit hai. magh shukl panchami vidyarambh ki mukhy tithi hai. us din poorvahnakal mean hi pratijna karake sanyamashil evan pavitr ho, snan aur nity-kriya ke pashchath bhaktipoorvak kalash sthapan kare. phir naivedy adi se nimnaankit chhah devataoan ka poojan kare. pahale ganesh ka, phir soory, agni, vishnu, shiv aur parvati ka poojan karane ke pashchath ishtadevata sarasvati ka poojan karana uchit hai. phir dhyan karake devi ka avahan kare. tadanantar vrati rahakar shodashopachar se bhagavati ki pooja kare.
saumy! pooja ke liye jo-jo upayogi naivedy ved mean kathit haian, unhean batata hooan– taja makkhan, dahi, doodh, dhan ka lava, til ke laddoo, saphed ganna aur usaka ras, use pakakar banaya hua gu d, svastik (ek prakar ka pakavan), shakkar ya mishri, saphed dhan ka chaval jo toota n ho (akshat), bina ubale hue dhan ka chiu da, saphed laddoo, ghi aur seandha namak dalakar taiyar kiye gaye vyanjan ke sath shastrokt havishyann, jau athava gehooan ke ate se ghrit mean tale hue padarth, pake hue svachchh kele ka pishtak, uttam ann ko ghrit mean pakakar usase bana hua amrit ke saman madhur mishtan, nariyal, usaka pani, kaseroo, mooli, adarak, paka hua kela, badhiya bel, ber ka phal, desh aur kal ke anusar upalabdh rritu phal tatha any bhi pavitr svachchh varn ke phal– ye sab naivedy ke saman haian.
mune! sugandhit saphed pushp, saphed svachchh chandan tatha navin shvet vastr aur sundar shankh devi sarasvati ko arpan karana chahiye. shvet pushpoan ki mala aur shvet bhooshan bhi bhagavati ko chadhave.
mahabhag mune! bhagavati sarasvati ki ka shreshth dhyan param sukhadayi hai tatha bhram ka uchchhed karane vala hai. vah dhyan yah hai–‘sarasvati ka shrivigrah shuklavarn hai. ye param sundari devi sada muskarati rahati haian. inake paripusht vigrah ke samane karo doan chandrama ki prabha bhi tuchchh hai. ye vishuddh chinmay vastr pahane haian. inake ek hath mean vina hai aur doosare mean pustak. sarvottam ratnoan se bane hue abhooshan inhean sushobhit kar rahe haian. brahma, vishnu aur shiv prabhriti pradhan devataoan tatha suraganoan se ye supoojit haian. shreshth muni, manu tatha manav inake charanoan mean mastak jhukate haian. aise bhagavati sarasvati ko maian bhaktipoorvak pranam karata hooan.’