ik apu apuhian mahian, hansi-hansi mod bharaian.
ik abharan lehian utari, det n sank karaian.
ik daghi-gorochan-doob, sabakaian sis dharaian.
tab nhai nand bhe thadh, aru kus hath dhare.
naandimukh piantar pujai, aantar soch hare.
dhasi chandan charu mangai, biprani tilak kare.
dvij-guru-jan kauan pahirai, sab kaian pai pare.
tahan gaiyaan gani n jahian, taruni bachchh badhian.
je charahian jamun ke tir, doonaian doodh chadhian.
khur taanbaian, roopaian pothi sonaian siann madhian.
te dinhian dvijani anek, harashi asis padhian.
sab isht mitr aru bandhu hansi hansi boli liye.
mathi mrigamad-malay-kapoor, mathaian tilak kiye.
ur mani-mala pahirai, basan, vichitr diye.
dai dan-man-paridhan, pooran-kam kiye.
bandojan-magadh-soot aangan-bhaun bhare.
ne bole lai-lai nauan, nahian hit kou visare.
manu barashat mas asadh, dadur-mor rare.
jin jo jaanchyau soi din, as nandarai dhare.
tab aanbar aur mangai, sari surang chuni.
te dini badhuni bulai, jaisi jahi bani.
te nikasian deti asis, ruchi apani-apani.
bahurian sab ati anand, nij grih gop-dhani.
pur ghar-ghar bheri-mridang, patah-nisan baje.
bar barini bandanabar, kanchan kalas saje.
ta din taian vai braj log, sukh-sanpati n taje.
suni sabaki gati yah soor, je hari-charan bhaje॥24॥
