kati paanti dasanavali, rahi tamol rang bhij.
badan syau sasi mai be, manu saudamini bij..
guanja ki si chhavi lee, mukta ati b dabhag.
nainani ki lee syamata, adharani kau anurag..
besari ke mukta manini, dhani nasa brajanari.
guru, bhrigusut bich bhaum ho, sasi samip grah chari..
khooantila subhag jarai ke, mukta mani chhabi det.
pragat bhayo ghanamadhy taian manu sasi nakhat samet..
suandar sughar kapol ho, rahe tamor bhari poor.
kanchan-saput-dvaipala manahuan bhare siandoor..
chibuk dithauna jab diyau, mo man dhokhai jat.
nikasyau alisisu kanj tai, manahuan jani parabhat..
jihian marag ban batika nikasati ani subhai.
madhup kamalaban chhaan di kai, chalat sang lapatai..
jahaan jahaan too pag dharai, tahaan tahaan man sath.
ati adhin piy hvai rahe, tan man dai tav hath..
dekhi badan ke roop kau, mohan rahyau lubhai.
ikatak rahyau chakor jyau, drishti n it ut jai..
tohian syam sau hai sakhi, badhi nirantar priti.
too tan man dhan syam kai, tai hari pae jiti..
manamohani too bas kare, ati prabin nandalal.
'sooradas' gavai sada, kirati bisad visal..2613..
