shrijnaneshvari -sant jnaneshvar
|
|
adhyay-18
mokshasannyas yog
yadi maharshi vyas ke saty vachanoan par apaka vishvas ho to ap yah achchhi tarah se samajh lean ki mera bhi yah vachan atal hai. jis jagah par ve lakshmipati bhagavanh narayan haian, usi jagah par bhaktashiromani arjun bhi hai aur ve sukh tatha mangal ke labh ke nivas haian. yadi mera yah kathan mithya sabit ho to samajh lena ki maian maharshi vyas ka shishy hi nahian.” is prakar sanjay ne apani pratijna ka udghosh karake apane donoan hath oopar uthaye aur unhoanne sampoorn mahabharat ka saraansh ek hi shlok mean rakhakar dhritarashtr ke hath mean de diya. agni ka vistar apar hai; par sooryast ho jane ke karan jo hani hoti hai usaki bharapaee karane ke liye jaise kapas ki batti ke agrabhag mean usaka upayog karate haian, thik vaise hi sarvapratham vah shabd-brahm athava sava lakh shlokoan vala bharat bana, jisaka kahian avasan nahian hai. tadanantar sat sau shlokoan ki vah gita bani jisamean bharat-granth ka sampoorn sar bhara hua hai aur in sat sau shlokoan mean se yah antim shlok jisamean maharshi vyas ke shishy sanjay ka poorn udgar samaya hua aai, sampoorn gita ka ikattha kiya hua arth hai. jo purush is ek hi shlok ko apane hriday se laga rakhega vah mano sampoorn avidya ko poornataya jit lega. is prakar ye sat sau shlok mano is gita ke chalate-phirate pair hi haian athava inhean pair n samajhakar gitaroopi akash ka paramamrit hi janana chahiye athava mujhe aisa pratit hota hai ki ye gitaroopi atm-rajasabha ke sat sau khambhe hi haian athava saptashati yani sat sau shlokoan mean bhagavati ke vishay mean nirmit granth ke dvara varnit yah gita mano bhagavati devi hi samajhi jani chahiye. yah moharoopi mahishasur ko mukti dekar yani mar karake anandit huee hai. atev jo tan-man aur vachan se isaka bhakt hoga, vah svanand athava atmanand ke samrajy ka ekachakr samrat hoga athava avidyaroopi aandhakar mitane mean pratijnapoorn soory ko bhi mat karane vale ye shlok bhagavanh shrikrishn ne gita ke roop mean prakat kiye haian athava sansar ke shrant pathikoan ko vishramasthal dene ke liye yah gita shlokakshararoopi drakshavalli ka mandap ban gayi hai athava sat sau shlokaroopi kamaloan se dhany huee tatha santaroopi bhramaroan se bhari huee is gita ko bhagavanh shrikrishn ki mukharoopi pushkarini hi samajhana chahiye athava ye sat sau shlok aur koee nahian, gita ki mahima-gan karane vale bhat hi jan p date haian athava in sat sau shlokoan ke chaturdikh grih-nirman kar is gitaroopi sandar nagari mean mano vedasamooh hi basane ke uddeshy se a gaye haian |
|
sanbandhit lekh
| kram sankhya | vishay | prishth sankhya |