shrijnaneshvari -sant jnaneshvar
|
|
adhyay-18
moksh sannyas yog
he dhananjay! ekajat sam-avastha ke karan us vyakti ke liye koee aisi chij rah hi nahian jati, jisake karan vah yah kah sakata ho ki amuk vyakti mera dushman hai athava amuk vyakti mera suhridh hai. sirph yahi nahian yadi kisi karan se usake muanh se ‘mera’ shabd nikal bhi jay to bhi usake sammukh dvait ka bhav rah hi nahian jata; karan ki vah ekamatr apani satta se ek-svaroop ho chuka hota hai. he pandusut! is prakar vah sirph ekabhav se samast jagath ko bhar deta hai aur isiliye sankuchit vritti ki mamata kabhi use sparsh bhi nahian karati aur vah usaka poornataya tyag kar deta hai. jis samay is prakar yah yoddha apane sare vairiyoan ka unmoolan kar dalata hai tatha sampoorn mayik prasar ka bhi avasan kar deta hai, us samay usaka yogaroopi ashv svatah sthir ho jata hai. apane sharir par dharan kiye hue vairagyaroopi kavach ko bhi vah kuchh shithil kar deta hai. vah apana dhyanaroopi shastr bhi rakh deta hai. us samay usake sammukh atma ke siva aur kuchh bhi nahian rah jata aur isiliye vah vritti bhi ruk jati hai. rasayan aushadh apana samast kam to thik tarah se karati hai; kintu vyadhigrast vyakti usaka sevan karata hai, isaliye vah svayan bhi samapt ho jati hai. is sambandh mean bhi thik vahi bat lagoo hoti hai. jaise rukane ka sthan dekhakar tivragati se age badhane vale pair bhi ekadam se ruk jate haian, thik vaise hi brahm ka sannighy ho jane ke karan usake abhyas ka veg bhi kam ho jata hai. |
|
sanbandhit lekh
| kram sankhya | vishay | prishth sankhya |