shrijnaneshvari -sant jnaneshvar
|
|
adhyay-18
mokshasannyas yog
ab arjun ne jo kuchh prashn kiya tha vah sab suniye. us pandunandan ne bhagavanh shrikrishn ke antim vachan jnatritv bhav se sune. yadi vastavik drishti se dekha jay to ab tak use tattv siddhant ka nishchit jnan ho chuka tha; par bhagavanh ki batean ab samapt ho gayi thian aur usaka pres se sarabor man ise sahan nahian kar sakata tha. maan ke doodh se jab bachh de ka pet bhar jata hai us samay bhi us bachh de ki yahi lalasa rahati hai ki meri mata mujhase door n jay. ekanishth prem ki yahi riti hai. vah prem koee karan athava avasar n hone par bhi sada bolata hi rahata hai aur aisa prem karane vale ki yah abhilasha hoti hai ki jo chij maian ek bar dekh chuka hooan, vahi bar-bar dekhata rahooan. apani priy vastu ka upabhog karate samay is prakar ekanishth prem karane vale ka us priy vastu ke prati aur bhi adhik anurag hota jata hai. yahi is prem ka lakshan hai aur parth to mano moortimanh prem hi tha. yahi karan hai ki bhagavanh ke chuppi sadh lene par use atyadhik kasht hone laga. jaise darpan mean hi roop dekha jata hai, thik vaise hi arjun sanvad ke nimitt se us vastu ke darshan ka anubhav kar raha tha jo vyavahar mean use mil nahian rahi thi. vah sochata tha ki jis samay yah sanvad band ho jayaga, us samay yah adbhut sukhanubhav bhi band ho jayaga; parantu arjun ko to us param sukh ka chasaka lag chuka tha. phir bhala shrikrishn ka is prakar chuppi sadh lena vah kaise sahan kar sakata tha? yahi karan hai ki usane gitaroopi vastr ki tah tyag aur sannyas ke vishay ko nimitt banakar phir se kholavayi. yah gita ka atharahavaan adhyay nahian hai, apitu ise ek adhyay vali gita hi samajho. jab gau ka doodh svayan bachh da hi duhane lage, tab bhala usamean se doodh ki dhara nikalane mean vilamb kis prakar ho sakati hai? thik isi prakar jyoan hi gita samapti par ayi, tyoan hi arjun phir pichhe mu d p da aur usane mano gita ki phir se avritti hi kara dali. jo achchhe aur sachche svami hote haian, ve apane sevak ki bat manakar tadanusar acharan karate haian athava nahian? parantu ye sab batean bahut ho chuki. ab arjun poochhata hai. vah kahata hai-“he vishvesh! ap meri vinati suniye.[1] |
|
tika tippadi aur sandarbh
- ↑ (1-86)
sanbandhit lekh
| kram sankhya | vishay | prishth sankhya |