shrijnaneshvari -sant jnaneshvar
|
|
adhyay-17
shraddhatray vibhag yog
he jnanavanh arjun! is jivan-sangh ko is prakar ki nirdosh shraddha kabhi prapt ho nahian sakati, jo sattv, raj aur tam-in trigunoan se alipt ho. shraddha svabhavatah tattv hi hai, par vah trigunoan se aveshtit rahati hai aur isiliye usake rajas, tamas aur sattvik-ye tin bhed hote haian. yoan to jal hi jivan hai, par vahi jal vish ke sambandh se marak, mirch ke sang se tikshn aur ikshu (ganne) ke sambandh se madhur hota hai. isi prakar jo nirantar bhayankar tam se yukt hokar punah-punah janm dharan karata hai aur mrityu ko prapt hota hai, usaki shraddha bhi tamoroop hi hoti hai. phir jaise kajal aur syahi mean kuchh bhed nahian kiya ja sakata, vaise hi yah shraddha bhi tamasi hi hoti hai aur usamean tam se bhinn aur kuchh bhi nahian hoti. thik isi prakar rajoguni ki shraddha rajasi tatha sattvaguni ki shraddha poornataya sattvik hi hoti hai. is prakar yah sampoorn jagath ekamatr shraddha se hi ot-prot hai; par in trigunoan ki samarthy se shraddha par jo tin prakar ki chhap baithati hai, unhean tum pahachan lo. jaise pushp ko dekhakar usake sahayog se jha d (vriksh) pahachana jata hai athava sambhashan se manushy ke antahkaran ka parichay jana jata hai; jaise is janm ke bhog ko dekhakar poorv janmoan ke kary jane jate haian, vaise hi jin chihnoan ke dvara shraddha ke ye tinoan roop pahachane ja sakate haian’ ve chihn ab maian tumhean batalata hooan, dhyanapoorvak suno.[1] |
|
tika tippadi aur sandarbh
- ↑ (66-75)
sanbandhit lekh
| kram sankhya | vishay | prishth sankhya |