shrijnaneshvari -sant jnaneshvar
adhyay-16
daivasur sampadvi bhag yog
jin jijnasuoan ke man mean aisi ichchha ho, unaki yah ichchha poori karane ke liye ab lakshmipati bhagavanh narayan niroopan kareange. ab us daivi-sampada ka bakhan hoga jo jnan ki janmadatri hai tatha shanti ki bhi vriddhi karati hai. sath hi us asuri sampatti ka bhi vivechan kiya jayega jo rag-dvesh ityadi vikaroan ko ashray pradan karati hai. isht aur anisht karyoan ka sampadan daivi aur asuri - yahi donoan sampattiyaan karati haian tatha is vishay ki prastavana sarvapratham navean adhyay mean ki ja chuki hai. isi avasar par is vishay ka pratyaksh aur uchit vichar hone ko tha; par bich mean hi ek doosara vishay a kh da ho gaya aur yah prakaran jahaan-ka-tahaan rah gaya. isaliye ab bhagavanh narayan vahi prakaran is adhyay mean batalaveange. atah is solahavean adhyay ko pichhale prakaran ka poorak samajhana chahiye. astu. daivi tatha asuri sampattiyoan ke samarthy ke karan hi jnan ko isht athava anisht roop prapt hota hai. ab tum us daivi sampatti ke lakshan man lagakar suno jo mumukshujanoan ke liye margadarshak hoti hai tatha dipak ki jyoti ki tarah moharoopi ratri ka ghor andhakar mita karake use prakashit karati hai. jo anek padarth ek-doosare ke liye poshak hote haian, un sabako ekatr karane ko hi lok mean sampatti kahate haian. daivi sampatti sukh utpann karane vali hoti hai. kisi-kisi ko vah sampatti daivayog se prapt hoti hai aur isiliye use log daivi nam se pukarate haian.[1] |
tika tippadi aur sandarbh
- ↑ (1-67)
sanbandhit lekh
kram sankhya | vishay | prishth sankhya |