shrijnaneshvari -sant jnaneshvar
adhyay-15
purushottam yog
tatpashchath bhagavanh ne kaha- “he dhananjay! vah brahm hi is vriksh ka oordhv hai aur isi vriksh ke karan usamean vah oordhvata mili huee hai. yadi yatharth drishti se dekha jay to jo ekaroop, advait, kaivalyatattv hai, usamean oordhv, madhy aur adhah ka koee bhed ho hi nahian sakata, jo aisa nad hai, jo kabhi shravenindriyoan se shravan hi nahian kiya ja sakata, jo aisi sugandh hai, jisaka ghranendriy ke dvara kabhi anubhav bhi nahian kiya ja sakata, jo aisa anand hai, jo bina vishayoan ka sevan kiye hue hi milata hai, jo apane is par bhi aur us par bhi, age bhi aur pichhe bhi keval svayan hi hai, jo sada drishti se ojhal rahata hai aur bina dekhane vale ke hi drishtipath par ata hai, jo upadhi ke sambandh se hi nam-roopatmak vishv hota hai, jo jnata aur jnan vastu ke bina hi jnan hai, jo sukh se paripoorn hone par bhi shoony gun akash hi hai, jo n kary hai aur n karan hai, jo n dvait hai aur n advait hai, jo keval svayan hi aur atmasvaroop rahata hai, vahi advitiy tattv is sansararoopi vriksh ka oordhv hai. ab tum yah suno ki is oordhv j d mean aankur kis prakar utpann hote haian vandhyasut ke varnan ki bhaanti jise maya nam se sambodhit karate haian, jo sath bhi nahian hai aur asath bhi nahian hai, jo vichar ke samaksh nahian tikata, parantu itana hone par bhi jise anadi nam se pukarate haian, jo bhedabhav ka sandook hai, jisamean ye anek log thik vaise hi rahate haian, jaise akash mean megh rahate haian, jo samast sakar vasturoopi vastr ki asali tah hai, jo sansar-vriksh ka sookshm bij hai, jo prapanch ka janmasthan tatha mithya jnan ki prakashaman jyoti hai, vah maya us nirgun brahm mean is prakar rahati hai ki mano hai hi nahian aur phir vah jo-jo vyavahar karati hai, vah sab us brahm ke tej ke prabhav se hi karati hai. |
sanbandhit lekh
kram sankhya | vishay | prishth sankhya |