shrijnaneshvari -sant jnaneshvar
adhyay-13
kshetr-kshetrajn vibhag yog
kahane ka bhav yah hai ki usamean shuchita-hi-shuchita rahati hai aur yahi karan hai ki jis prakar kaanch ke avaran ke andar rakhe hue dipak ka tej bahar bhi khoob phail jata hai, usi prakar usake andar ka shuddh bhav bhi indriyoan ke madhyam se bahar prakat hota rahata hai. jin vishayoan ke karan sanshay utpann hota hai, vyarth ke vicharoan ka sanchara hota hai aur kukarmoan ke bich prasphutit hote haian, yadi is prakar ke vishayoan ko vah dekhe athava sune ya ve vishay svayan usase sanlagn bhi ho jayan, to bhi jaise meghoan ke rang ke karan akash kabhi matamaila nahian hota, vaise bhi usake man par vishayoan ki dal nahian galati. vaise to vah indriyoan ke sath vishayoan mean lipt hi drishtigochar hota hai, par vikaroan ka lep usamean rattibhar bhi nahian hota. yadi raste se brahman ki stri athava chhoti jati ki stri jati hai to bhi vah rasta unase alipt rahata hai, vaise hi vah bhi vishayoan ke prati ekadam nisprih rahata hai. ek hi stri apane putr aur pati donoan ka hi aliangan karati hai, par usamean putr-prem mean jis prakar kam ke vikar ka kabhi pravesh nahian ho sakata, vaise hi shuddh hriday vale vyakti mean sankalp-vikalp ki dal nahian galati; par phir bhi vah bhali-bhaanti janata hai ki kaun-sa kam karaniy hai aur kaun-sa akaraniy hai. jaise jal se hira gila nahian hota athava adahan mean jaise kankan nahian pakate, vaise hi usake manobhav bhi vikalpoan se dooshit nahian hote. he parth! aisi hi sthiti ka nam shuchitv hai aur jahaan yah shuchitv hota hai, vahaan tum samajh lo ki jnan bhi avashy hi hota hai. jis vyakti mean sthirata apana dera dale rahati hai, us vyakti ke bare mean tum yah achchhi tarah se jan lo ki vah jnan ko jivit rakhata hai. sharir bahyacharan mean nimagn rahata hai, par us acharan ka usake man par jara-sa bhi asar nahian hota. jaise gau ka vatsaly apane bachh de ka parityag kar van-van nahian bhatakata aur pati parayana stri ka vilas jaise vaishayik prem se yukt nahian hota athava jaise kisi lobhi ke door chale jane par bhi par bhi usaka sara dhyan apane dhan ki or hi laga rahata hai, vaise hi sharirik karyoan se sthir vyakti ke man ki vichalata kabhi nasht nahian hoti. |
sanbandhit lekh
kram sankhya | vishay | prishth sankhya |