shrijnaneshvari -sant jnaneshvar
|
|
adhyay-13
kshetr-kshetrajn vibhag yog
ab avyakt ke lakshan suno. saankhyashastr aur yogashastr ke anusar prakriti ke jo do prakar haian, ve pahale (saptam adhyay mean) tumako batalaye ja chuke haian. unamean doosari paraprakriti jo jivadasha (jnanadevi) hai, usi ka yahaan doosara nam avyakt hai. jaise ratri ka avasan hote hi samast nakshatr gagan mandal mean chhip jate haian athava din ka avasan hone par jaise praniyoan ka sancharan band ho jata hai athava he kiriti, jaise deh ke ant hone par kiye hue karmoan mean dehadi vikar gupt rahate haian athava jaise bij ke svaroop mean poora vriksh chhipa rahata hai athava jaise soot ke svaroop mean vastr samaya rahata hai, vaise hi sampoorn sthool dharm tyagakar mahabhoot aur bhoot-srishti lay ko prapt hokar sookshmaroop se jisamean nivas karati hai, he arjun, usi ka nam avyakt hai. ab maian tumhean indriyoan ke vishay mean batalata hooan, suno. kan, aankh, tvacha, nak aur jihva- in paanchoan ko jnanendriy samajhana chahiye. jis samay ye panch jnanendriyaan ikatthi hoti haian, us samay inhian ke dvara buddhi sukh-duahkh ka vichar karati hai. vani, hath, pair, guda-dvar aur upasth- ye paanch prakar aur haian. inhean karmendriy nam se janana chahiye. pranoan ki priy sakhi aur sharirasth jo kriya-shakti hai, vah inhian paanch dvaroan se hokar aya-jaya karati hai. dev ne kaha ki he arjun, maianne tumako dasoan indriyoan ke vishay mean spasht roop se batala di hai, ab maian tumako man ke vishay mean batalata hooan, suno. indriyoan aur buddhi ke bich ki sandhi par rajogun ke kandhe par chadhakar jo khelata rahata hai tatha gagan ki nilima athava soory rashmiyoan ke mrigajal ki bhaanti jo sirph pratit hone vali vayu ki chamak hai, vahi man hai. shukr aur shoshit ke ek sthan par milane se panch mahabhootoan ki jo srishti hoti hai, usamean vayu tattv ke das prakar hote haian. phir un das prakar ki vayuoan ka sharir ke das bhagoan mean ab sthan hota hai aur ve apane vishisht dharmoan se yukt hokar prithakh-prithakh rahati haian. par unamean ek prakar ki chanchalata rahati hai, jisase unhean rajogun ka bal prapt hota hai. yah chaanchaly buddhi ke bahar, par ahankar ki sima par yani madhy bhag mean prabal hota hai. isi ka namakaran man kiya gaya hai; parantu yatharthatah vah kalpana ki hi moorti hai. |
|
sanbandhit lekh
| kram sankhya | vishay | prishth sankhya |