shrijnaneshvari -sant jnaneshvar
|
adhyay-10
vibhooti yog
yah sunakar arjun ne kaha-“he maharaj, apani bat to ap hi jane, par mujhe to sara vishv apase hi ot-prot dikhayi deta hai.” parantu sanjay ne jo yah kaha tha-“he maharaj, arjun is prakar atmaroop ka anubhav karane laga.” so sanjay ka yah vachan dhritarashtr ekadam maun hokar sunata raha. us samay sanjay ke antahkaran mean bahut duahkh hua aur usane man-hi-man kaha-“itana badhiya saubhagy ka sundar phal samane upasthit hai, par phir bhi vah is dhritarashtr se bahut door hai. yah bhi ek ashchary ki hi bat hai. maian samajhata tha ki isaki buddhi kuchh thik hogi; par yah to bhitar se andha hai.” astu! ab vah arjun apane atmakalyan ki vriddhi karata ja raha tha, kyoanki ab usake antahkaran mean ek aur hi bat ki utkantha jagrath ho uthi thi. usane kaha-“he dev, mere hriday mean jo atmasvaroop ka anubhav pratibimbit hua hai, usake bare mean ab mera chitt is utkantha se vyakul ho raha hai ki vahi anubhav mean is bahy jagath mean svayan apani aankhoan se karooan.” arjun atyant saubhagyashali tha, isiliye usake chitt mean apane donoan aankhoan se sampoorn vishv ka akalan karane ki mahanh abhilasha utpann huee thi. he shrotavrind, vah arjun svayan kalpavriksh ki shakha hi tha aur isiliye yah sambhav nahian tha ki vah vandhya arthath phalahin athava viphal hota. yahi karan hai ki usake mukh se jo-jo batean nikalati thian, vah sab shrikrishn poori karate chalate the. jin paramatma ne apane bhakt prahlad ke vachanoan ki raksha ke liye svayan vish tak ka roop dharan kiya tha, vahi paramatma is arjun ko sadguru ke roop mean mile hue the. ab agale adhyay mean shrinivrittinath ka shishy jnanadev shrotaoan ko yah batalavega ki us samay us arjun ne kin shabdoan mean shrikrishn se yah vinamr prarthana ki thi ki mujhe vishvaroop dikhalaiye.[1] |
tika tippani aur sandarbh
- ↑ (308-335)
sanbandhit lekh
| kram sankhya | vishay | prishth sankhya |