shrijnaneshvari -sant jnaneshvar
|
adhyay-10
vibhooti yog
shribhagavanh ne ab arjun se is prakar batean karana shuroo kiya ki mano unhean yah yad hi nahian raha ki ham pitamah (brahma) ke pita haian. ve bole-“baba pandusut! tumane bahut achchhi bat kahi hai.” is avasar par bhagavanh ne arjun ko jo ‘baba’ shabd se sambodhit kiya, isake liye ashchary nahian hona chahiye, karan ki ve svayan nand ke putr the hi. us samay unake mukh se yah shabd prematirek ke karan nikal gaya tha. astu. phir shrikrishn ne kaha “he dhunardhar, suno. he subhadrapati, tumane meri vibhootiyoan ke bare mean poochha hai, par meri vibhootiyaan asankhy haian. yah bat saty hai ki ve samast vibhootiyaan meri hi haian, par ve itani anaginat haian ki svayan meri buddhi bhi unaki ginati nahian kar sakati. jaise koee yah nahian batala sakata ki mere apane sharir par kitane rom haian vaise hi maian apani vibhootiyaan bhi nahian gina sakata. mujhe svayan hi is bat ka thik-thik pata nahian hota ki maian kitana b da aur kitana vyapak hooan. isaliye maian tumhean apani keval pramukh vibhootiyaan hi batalata hooan, suno. he kiriti! in prasiddh vibhootiyoan ka jnan prapt kar lene par unake dvara any gaun vibhootiyoan ke sambandh mean bhi jana ja sakata hai. jaise bij mutthi mean a jane par svayan hi mano apani mutthi mean a jata hai, athava samast udyan hi apani mutthi mean a jata hai athava phal-phool ityadi sab kuchh svatah prapt ho sakate haian, vaise hi in vibhootiyoan ko dekhane par mano samast vishv hi dekha ja sakata hai aur nahian to he dhanudhar! mera vistar, meri sampoorn vibhootiyaan apar hi haian. dekho, yah gagan itana apar hai, par vah bhi mujhamean n jane kahaan sama jata hai.[1] |
tika tippani aur sandarbh
- ↑ (206-214)
sanbandhit lekh
| kram sankhya | vishay | prishth sankhya |