shrijnaneshvari -sant jnaneshvar
adhyay-9
raj vidyaraj guhyayog
ho sakata hai ki tum yah poochho ki vah maian kaisa hooan? to usaka ekamatr uttar yah hai ki maian sab bhootoan mean samabhav se rahata hooan. mujhamean apane aur paraye ka leshamatr bhi bhedabhav nahian hai. jo jiv mera saty-svaroop pahachan lete haian, ahankar ka nash kar dete haian, sab karmoan aur bhavoan ke dvara mera hi bhajan karate haian, yani apana samast jivan aur karm mujhe hi samarpit kar dete haian; ve chahe sharir mean bhi rahean, par yatharthatah ve sharir mean nahian hote, balki ve poornaroop se mere svaroop mean hi rahate haian aur maian bhi unhian mean rahata hooan. itana vishal vatavriksh apane poorn vistar ke sath ek tuchchh bij mean vilin rahata hai aur vah bij usi vatavriksh mean rahata hai. isi prakar mujhamean aur aise bhaktoan mean sirph bahari aur namamatr ka antar rahata hai; par yadi andar ki vastusthiti ka vichar kiya jay to jo kuchh maian hooan, vahi mere bhakt bhi haian aur ham donoan mean koee bhedabhav nahian hota. jaise kisi vyakti se maangakar laya hua abhooshan yadi pahan liya jay to bhi usake sambandh mean kisi ko yah bhav nahian hota yah abhooshan mera hai, vaise hi mere bhakt yadyapi sharir dharan karate haian, parantu phir bhi ve kabhi use apana nahian manate. pushp ki sugandh vayu ke sath milakar sudoor nikal jati hai aur pichhe jo khali pushp rah jata hai, vah tab tak danthal ke sath sanlagn rahata hai, jab tak kumhala kar gir nahian jata. isi prakar vah bhakt bhi, jisake antahkaran se apanepan ka bhav nikal jata hai, antakal tak kisi prakar apani ayushy dharan kiye rahata hai. he kiriti! jo apane kartattv ke ahankar ka mujh par arop kar deta hai, usaka ahankar mujhamean hi sama jata hai aur phir vah ahankar mere bhakt ke liye kisi prakar bandhanakarak nahian ho sakata.[1] |
tika tippani aur sandarbh
- ↑ (407-414)
sanbandhit lekh
kram sankhya | vishay | prishth sankhya |