shrijnaneshvari -sant jnaneshvar
adhyay-9
raj vidyaraj guhyayog
parantu jis samay unake puny ki pooanji samapt ho jati hai aur sath hi indrapad ka tej bhi utar jata hai, us samay ve log phir isi mrityulok mean vapas chale ate haian. jaise koee vishayasakt vyakti veshya ke chakkar mean p dakar apana sarvasv lutakar daridr ho jata hai aur tab us avastha mean usake liye us veshya ke dehali (dvar) par pair rakhana bhi asambhav ho jata hai, vaise hi ekatrit puny samapt ho jane par un yajn karane valoan ki jo lajjaspad avastha hoti hai, usaka maian kya varnan karooan! is prakar jo meri shashvat atma ko n pahachan kar apane puny ke pratap se svarg ke sukh ko prapt karate haian, unhean yatharth amaratv nahian prapt hota aur ant mean unhean is mrityulok mean hi lautana p data hai. ve mata ke garbhashay mean, gandagi mean nau mahine tak rahakar bar-bar janm lete aur marate haian. svapn mean dhan-daulat ka khajana dekha to jata hai, par niand khulate hi sara khajana n jane kahaan lupt ho jata hai, thik isi tarah ved ke janane valoan ko prapt hone vala svargasukh bhi mithya hi samajhana chahiye. he arjun! ann nikal lene par jo bhoosa avashisht rahata hai, use osana bilkul vyarth hi hota hai. isi prakar chahe koee vyakti vedajn bhale hi ho jay, par yadi use mere nity svaroop ka jnan n ho to samajh lena chahiye ki usaka sampoorn jivan bekar hi gaya. isiliye yadi mere shashvat svaroop ka jnan n ho to sare vedokt dharm nishphal hi hote haian. par yadi tumhean mere svaroop ka jnan ho jay aur tab tumhean any kisi bhi chij ka jnan n ho to bhi tum sukhi hi hoge.[1] |
tika tippani aur sandarbh
- ↑ (328-334)
sanbandhit lekh
kram sankhya | vishay | prishth sankhya |