shrijnaneshvari -sant jnaneshvar
|
adhyay-9
raj vidyaraj guhyayog
he shrotavrind! meri yah spasht pratijna hai ki yadi ap log poorn manoyog se mera pravachan sunean, to nishchay hi ap logoan ko sab prakar ke sukhoan ki prapti hogi. par yah bat maian garv ke sath nahian kah raha hooan, karan ki ap sab log to sab kuchh janane vale hi haian; parantu phir bhi maian ap sab shrotajanoan se atyant hi atmiyata ke sath vinamr nivedan karata hooan ki ap log meri batoan ki or dhyan dean. isaka pramukh karan yahi hai ki jaise kisi stri ko aishvaryasampann naihar (samarth maan-bap) prapt hota hai aur us naihar se usake samast la d-chav evan manorath poore hote haian, vaise hi mujhe ap logoan ka sahara mila hua hai aur ap hi logoan se mere sare manorath siddh hoange. ap sab logoan ki kripadrishti ki vrishti ke karan meri prasannata ka bagicha khoob phal-phool raha hai aur us bagiche ki thandi chhaya dekhakar sansar ke tap se santapt mera jiv us chhaya mean lot-pot raha hai tatha usake tap ka bhi shaman ho raha hai. ap sab log sukharoopi amrit ke gambhir deh haian, isaliye maian manamana sukhamrit le sakata hooan. ab itana badhiya suavasar pakar bhi yadi maian pyarabhari batean karane mean bhay khaooan, tab phir mujhe sukh aur shanti kab mil sakati hai? vastavikata to yah hai ki jaise apane balak ki totali batean sunakar aur usake tedhe-medhe p dane vale pairoan ko prasannatapoorvak dekhakar us bachche ki mata anandit hoti hai, vaise hi maian bhi ap sab santoan ka prem pane ki lalasa se pyarabhari ye sab batean kah raha hooan aur nahian to yadi mere vaktritv ki yogyata dekhi jay to vah kuchh bhi nahian hai aur ap log to sab kuchh janane vale hi haian. aisi dasha mean yadi maian ap sab shrotaoan ke samaksh baithakar pravachan karooan aur ap log use sunean, to mera yah prayas svayan sarasvati ke putr ko patiya par path likhakar unhean shiksha dene ke sadrish hi hoga. dekhiye, khadyot chahe kitana hi vishal kyoan n ho, par phir bhi soory ke mahatej ke samaksh usaki kuchh bhi nahian chal sakati. bhala is prakar ka ras-paripak kahaan prapt ho sakata hai jo amrit se bhari thali mean parosa ja sake? bhala, yah kabhi sambhav hai ki sabako shitalata pradan karane vale chandrama ko pankhe se hava ki jay? athava svayan nad-tattv ko gana sunaya jay? athava alankar ko hi alankar pahanaya jay? |
tika tippani aur sandarbh
sanbandhit lekh
| kram sankhya | vishay | prishth sankhya |