shrijnaneshvari -sant jnaneshvar
adhyay-4
jnanakarm sannyas yog
yadi thik tarah se vichar kiya jay to yah kathan ekadam asangat hai ki man ka mal is param jnan se nasht nahian ho sakata. phir is sansar mean jnan se badhakar aur koee pavan chij bhi to nahian hai. jaise is sansar mean chaitany ke alava aur koee doosari vastu nahian hai jisaki tulana chaitany ke sath ki ja sake, vaise hi yah jnan bhi aisa uttam hai ki isake takkar ka aur koee padarth hai hi nahian. yadi is ati tejasvi soory-bimb ki kasauti par usaka pratibimb khara utar sakata ho athava yadi is akash ka gatthar banaya ja sakata ho arthath akash ko apane vashibhoot kiya ja sakata ho athava yadi prithvi ke map ka bhar hath mean liya ja sakata ho, tabhi, he pandukuanvar! sansar se is jnan ki upama bhi prapt ho sakati hai aur nahian to nahian. isiliye sab drishtiyoan se dekhane se aur baranbar vichar karane se yahi ek bat nishchit hoti hai ki is jnan ki pavitrata jnan mean hi hai aur vah anyatr aprapy hai. jaise yadi kisi ko amrit ke svad ke bare mean batalana ho ki vah kaisa hota hai, to yahi kahana p data hai ki vah amrit-jaisa hi hota hai, vaise hi jnan ke liye bhi sirph jnan ki hi upama di ja sakati hai; kintu ab is sambandh mean aur adhik kahana keval samay ganvana hi hai.” shrikrishn ke aisa kahane par arjun ne kaha-“he dev! ap jo kuchh kahate haian, vahi saty hai.” tattpashchath arjun ne man-hi-man socha ki ab shrikrishn se is jnan ko pahachanane ka tarika bhi poochhana chahiye aur isake lakshan kya haian isaki janakari bhi kar leni chahiye; kintu tatkshan shrikrishn ne arjun ke manobhav ko samajh liya aur kaha-he kiriti! ab maian is jnan ke sadhan ka upay tumhean batalata hooan, use dhyanapoorvak suno.[1] |
tika tippani aur sandarbh
- ↑ (178-186)
sanbandhit lekh
kram sankhya | vishay | prishth sankhya |