 janak
|
ek bahuvikalpi shabd hai any arthoan ke lie dekhean:- janak (bahuvikalpi) |
janak
| |
 | |
| any nam | videh, siradhvaj, mithi |
| vansh-gotr | mithilavansh, nimi |
| kul | nimi |
| pita | mithi |
| janm vivaran | nimi ke koee santan nahian thi. at: rrishiyoan ne arani se unake sharir ka manthan kiya, jisase inake putr janak ka janm hua. |
| samay-kal | ramayan kal |
| vivah | videhi |
| santan | sita |
| mahajanapad | mithila |
| sandarbh granth | ramayan |
| yashakirti | janak sabhi suvidhaoan mean rahakar sannyasi mane gaye. narad ko bhi unhoanne jnan diya. |
| apakirti | ashtavakr ka apaman |
| aitihasik mahattv | itihasakar janak ko krishi visheshajn ke roop mean svikar karate haian aur "sita" ka arth hal ki phal se manate haian. |
janak mithila ke raja aur nimi ke putr the. janak nandini sita ka vivah ayodhya ke raja dasharath ke jyeshth putr shriram ke sath sampann hua tha. janak ka vastavik nam 'siradhvaj' tha. inake chhote bhaee ka nam 'kushadhvaj' tha. tatkalin samay mean raja janak apane adhyatm tatha tattvajnan ke lie bahut hi prasiddh the. unaki vidvatta ki har koee prashansa karata tha. janak ke poorvaj nimi ya videh ke vansh ka kulanam manate haian. yah sooryavanshi aur ikshvaku ke putr nimi se nikali ek shakha hai. is videh vansh ke dvitiy purush mithi janak ne mithila nagari ki sthapana ki thi. isi vansh mean nimi nam ke raja hue.
vishay soochi
yajn ka ayojan
nimi ne ek brihat yajn ka ayojan karake vasishth ko paurohity ke hetu amantrit kiya tha, kintu vasishth us samay indr ke yajn mean sanlagn the. at: ve ane mean asamarth rahe. nimi ne gautam adi rrishiyoan ki sahayata se apana yajn arambh kara diya. jab vasishth ko is bat ka jnan hua to unhoanne nimi ko shap de diya. kintu pratyuttar mean nimi ne bhi vasishth ko shap diya. isake parinamasvaroop donoan hi jalakar bhasm ho gaye. rrishiyoan ne ek vishesh upachar se yajn samapti tak nimi ka sharir surakshit rakha. nimi ke koee santan nahian thi. at: rrishiyoan ne arani se unake sharir ka manthan kiya, jisase inake ek putr utpann hua. sharir manthan se utpann hone ke karan janak ko 'mithi' bhi kaha jata hai. mritadeh se utpann hone ke karan yahi putr janak, videh hone ke karan ‘vaideh’ aur manthan se utpann hone ke karan usi balak ka nam ‘mithil’ hua. isi adhar par inhoanne mithilapuri basayi. isi kul mean shri shiradhvaj janak ke yahaan adi shakti sita ne avatar liya tha.
janak aur kal prasang
ek bar raja janak ne apani yaugik kriyaoan se sthool sharir ka tyag kar diya. svarg lok se ek viman unaki atma ko lene ke lie aya. dev lok ke raste se janak kalapuri pahuanche, jahaan bahut se papi log vibhinn narakoan se prata dit kiye ja rahe the. un logoan ne jab janak ko chhookar jati huee hava mean saans li to unhean apani prata danaoan ka shaman hota hua anubhav hua aur narak ki agni ka tap shitalata mean badalane laga. jab janak vahaan se jane lage, tab narak ke vasiyoan ne unase rukane ki prarthana ki. janak sochane lage- "yadi ye narakavasi meri upasthiti se kuchh aram anubhav karate haian to maian isi kalapuri mean rahooanga, yahi mera svarg hoga." aisa sochate hue ve vahian rook gaye. tab kal vibhinn prakar ke papiyoan ko unake karmanusar dand dene ke vichar se vahaan pahuanche aur janak ko vahaan dekhakar unhoanne poochha- "ap yahaan narak mean kya kar rahe haian?" janak ne apane thaharane ka karan batate hue kaha ki ve vahaan se tabhi prasthan kareange, jab kal un sabako mukt kar dega. kal ne pratyek papi ke vishay mean bataya ki use kyoan prata dit kiya ja raha hai. janak ne kal se unaki prata dana se mukti ki yukti poochhi. kal ne kaha- "tumhare kuchh puny inako de diye jayean to inaki mukti ho sakati hai." janak ne apane puny unake prati de diye. unake mukt hone ke bad janak ne kal se poochha- "maianne kaun sa pap kiya tha ki mujhe yahaan ana p da?" kal ne kaha- "he rajan! sansar mean kisi bhi vyakti ke tumhare jitane puny nahian haian, par ek chhota-sa pap tumane kiya tha. ek bar ek gay ko ghas khane se rokane ke karan tumhean yahaan ana p da. ab ap pap ka phal pa chuke haian, isilie ap svarg ja sakate ho." videh (janak) ne kal ko pranam kar svarg ke lie prasthan kiya.[1] isi karan janak ko videh kaha jata hai.
- raja janak ke poorvajoan mean nimi ke jyeshth putr devarat the. shiv-dhanush unhian ki dharoharasvaroop raja janak ke pas surakshit tha. daksh yajn vinasht hone ke avasar par rushtamana bhagavan shiv ne isi dhanush ko tankar kar kaha tha ki- "devataoan ne unhean yajn mean bhag nahian diya, isalie ve dhanush se sabaka mastak kat leange." devataoan ne bahut stuti ki to bholanath ne prasann hokar yah dhanush unhian devataoan ko de diya. devataoan ne raja janak ke poorvajoan ke pas vah dhanush dharoharasvaroop rakha tha.[2]
- ek bar raja janak ne ek yajn kiya. vishvamitr tatha muniyoan ne ram aur lakshman ko bhi us yajn mean sammilit hone ke lie prerit kiya. unhoanne kaha ki un donoan ko shiv-dhanush ke darshan karane ka avasar bhi prapt hoga.[3]
tika tippani aur sandarbh
sanbandhit lekh
| |||||