gita rahasy athava karmayog shastr -bal gangadhar tilak
| chitr:Prev.png |
pahala prakaran
inake poorv yadi ekadh aur bhi sannyas vishayak tika likhi gee ho to vah is samay upalabdh nahian hai. isaliye yahi kahana p data hai ki gita ke pravriti vishayak svaroop ko nikal bahar karake use nivriti marg ka saanpradayik roop shaankarabhashhy ke dvara hi mila hai. shrishankarachary ke bad is sanpraday ke anuyayi madhusoodan adi jitane anek tikakar ho gaye haian unhoanne is vishay mean bahudha shankarachary hi ka anukaran kiya hai. isake bad ek yah adbhut vichar utpann hua ki, advait mat ke moolabhoot mahavakyoan mean se "tattvamasi" namak jo mahavaky chhaandogyopanishad mean hai usi ka vivaran gita ke atharah adhyayoan mean kiya gaya hai. parantu is mahavaky ke pado ke kram ko badal kar, pahale 'tvan' phir 'tath' aur phir 'asi' in padoan ko lekar, is naye kramanusar pratyek pad ke liye gita ke aranbh se chhah-chhah adhyay shribhagavanh ne nishpakshapat buddhi se baant diye haian. kee log samajhate haian ki gita par jo paishach bhashy hai vah kisi bhi sanpraday ka nahian hai bilakul svatantr hai aur hanumanaji (pavanasut) krit hai. parantu yatharth bat aisi nahian hai. bhagavat ke tikakar hanuman pandit ne hi is bhashy ko banaya hai aur yah sannyas marg ka hai. isamean kee sthanoan par shaankarabhashhy ka hi arth shabdash: diya gaya hai. prophesar meksamoolar ki prakashit 'prachyadharm pustakamala' mean svargavasi kashinath pant tailang krit bhagavadgita ka aangreji anuvad bhi hai. isaki prastavana mean likha hai ki is anuvad mean shrishankarachary aur shankar sanpradayi tikakaroan ka, jitana ho saka utana, anusaran kiya gaya hai. gita aur prasthanatrayi ke any granthoan par jab is bhaanti saanpradayik bhashy likhane ki riti prachalit ho gee, tab doosare sanpraday bhi bat ka anukaran karane lage. mayavad, advait aur sannyas ka pratipadan karane vale shaankarasamhpraday ke lagabhag dhaee sau varsh bad, shriramanujachary[1] ne vishishtadvait sanpraday chalaya. apane sanpraday ko pusht karane ke liye inhhoanne bhi, shankarachary hi ke saman, prasthanatrayi par (aur gita par bhi) svatantr bhashy likhe haian. is sanpraday ka mat yah hai ki shankarachary ka maya-mithyatv-vad aur advait siddhaant donoan jhooth hai; jiv, jagat aur eeshvar ye tin tattv yadyapi bhinn haian, tathapi jiv chidachidvishisht eeshvar ek hi hai; aur eeshvar sharir ke is sookshm chit-achit se hi phir sthoolachit aur sthool achit arthat anek jiv aur jagat ki utpatti huee hai. tattv jnan drishti se ramanujachary ka kathan hai[2] ki yahi mat jisaka ullekh oopar kiya gaya hai upanishadoan, brahm sootroan aur gita mean bhi pratipadit hua hai. ab yadi kaha jay ki inhian ke granthoan ke karan bhagavatadharm mean vishishtadvait mat sammilit ho gaya hai to kuchh atishayokti nahian hogi; kyoanki inake pahale mahabharat aur gita mean bhagavatadharm ka jo varnan paya jata hai usamean keval advait mat hi svikar kiya gaya hai. ramanujachary bhagavatadharm the isaliye yatharth mean unaka dhyan is bat ki or jana chahiye tha ki gita mean pravriti vishayak karmayog ka pratipadan kiya gaya hai. parantu unake samay mean mool bhagavatadharm ka karmayog prayah lupt ho gaya tha. aur usako, tattvajnan ki drishti se vishishtadvait-svaroop tatha acharan ki drishti se mukhyatah bhakti ka svaroop prapt ho chuka tha. |
chitr:Next.png |
tika tippani aur sandarbh
sanbandhit lekh
| prakaran | nam | prishth sankhya |
varnamala kramanusar lekh khoj