gita mata -mahatma gaandhi
gita-bodh
chautha adhyay
somaprabhat bhagavan ne arjun se kaha ki maianne jo nishkam karmayog tujhe batalaya hai vah bahut prachin kal se chala ata hai, yah naya nahian hai. too priy bhakt hai isalie, aur is samay dharm-sankat mean hai isalie, usamean se mukt karane ke lie, maianne tere samane ise rakha hai. jab-jab dharm ki nianda hoti hai aur adharm phailata hai tab-tab maian avatar leta hooan aur bhaktoan ki raksha karata hooan, papi ka sanhar karata hooan. meri is maya ko jo janane vala hai vah vishvas rakhata hai ki adharm ka lop avashy hoga, sadhu purush ka rakshak eeshvar hai. aise manushy dharm ka tyag nahian karate aur aant mean mujhe pate haian, kyoanki ve mera dhyan dharane vale, mera ashray lene vale hone ke karan kam-krodhadi se mukt rahate haian aur tap tatha jnan se shuddh hue rahate haian. manushy jaisa karata hai, vaisa phal pata hai. mere niyamoan se bahar koee rah nahian sakata. gun-karm-bhed se maianne char varn paida kiye haian, phir bhi mujhe unaka karta mat samajh, kyoanki mujhe is karm mean se kisi phal ki akaanksha nahian hai, n isaka pap-puny mujhe hota hai. yah eeshvari maya samajhane yogy hai. jagat mean jitani pravrittiyaan haian, sab eeshvari niyamoan ke adhin hoti haian, phir bhi eeshvar unase alipt rahata hai, isalie vah unaka karta hai aur akarta bhi. yoan alipt rahakar, achhoote rahakar, phalechchha se rahit hokar chalean to avashy moksh pa jaye. aisa manushy karm mean akarm dekhata hai aur aise manushy ko n karane yogy karm ka bhi turant pata chal jata hai. kamana se sanbandhit karm, jo kamana ke bina ho hi nahian sakate, ve sab n karane yogy karm kahalate haian- udaharan ke lie, chori, vyabhichar ityadi. aise karm koee alipt rahakar nahian kar sakata. isalie jo kamana aur sankalp chho dakar karttavy-karm karata hai, usake bare mean kaha jata hai ki usane apane jnan roopi agni dvara apane karmoan ko jala dala hai. yoan karmaphal ka sang chho dane vala manushy sada santusht rahata hai, sada svatantr hota hai. usaka man thikane hota hai, vah kisi sangrah mean nahian p data aur jaise arogyvan purush ki sharirik kriyaean apane-ap chalati rahati haian, usi prakar aise manushy ki pravrittiyaan apane-ap chala karati haian. unake apane chalane ka use abhiman nahian hota, bhan tak nahian hota. vah svayan nimitt matr rahata hai - saphalata mili to bhi ʻvah-vahʼ, n mili to bhi. saphalata se vah phool nahian uthata, viphalata se ghabarata nahian. usake sab karm yajn roop, seva ke lie hote haian. vah sari kriyaoan mean eeshvar ko hi dekhata hai aur aant mean usi ko pata hai. |
tika tippani aur sandarbh
sanbandhit lekh
adhyay | prishth sankhya |
varnamala kramanusar lekh khoj