chitr:Prev.png |
gita-prabandh -shri aravind23.nirvan aur sansar mean karm
sansar mean karm karana brahmi sthiti se visangat nahian hai, balki us avastha ki aparihary shart aur brahm parinam hai, kyoanki jis brahm mean nirvan labh kiya jata hai vah brahm, jis atm-chaitany mean hamara prithakh ahanbhav vilin ho jata hai vah atm-chaitany keval hamare aandar hi nahian hai, balki in sab bhoot praniyoan mean bhi hai. vah in sab jagath-prapanchoan se keval prithakh aur inake oopar hi nahian hai, balki in sabamean vyapt hai; inhean dharan kiye hue hai aur inamean prasarit hai. isaliye brahmanirvan-pad ka arth usi simit prithakkari chetana ka nash ya nirvan samajhana hoga jo sare bhram aur bhedabhav ka karan hai aur jo jivan ke bahy star par trigunatmika nimnatar maya ki ek rachanamatr hai. aur is nirvan-pad mean pravesh us ekatvasadhak param sachchaitany ki prapti ka rasta hai jo samast srishti ka hriday aur adhar hai, aur jo usaka sarvasamaharak, sarvasahayak, samagr mool sanatan param saty hai. jab ham nirvan labh karate aur usamean pravesh karate haian tab nirvan keval hamare aandar hi nahian rahata balki hamare charoan or bhi rahata hai, kyoanki yah keval yah brahm-chaitany nahian hai jo hamare aandar gupt roop se rahata hai, balki yah vah brahm-chaitany hai jisamean ham sab rahate haian. |
chitr:Next.png |
tika tippani aur sandarbh
sanbandhit lekh
kram sankhya | path ka nam | prishth sankhya |
varnamala kramanusar lekh khoj