|
pandrahavaan adhyay
poornayog: sarvatr purushottam-darshan
84. seva ki triputi: sevy, sevak, seva-sadhan
12. srishti ki jo nashvarata hai, vahi usaki amarata hai. srishti ka roop chhal-chhal bah raha hai.yah roop-ganga yadi bahati n rahe, to usaka ek dabara ban jayega. nadi ka pani akhand roop se bahata rahata hai. vah satat badalata rahata hai. ek booand gayi, doosari ayi. vah pani jivit rahata hai. vastu mean jo anand maloom hota hai, vah usaki navinata ke karan. grishm rritu mean paramatma ko aur tarah ke phool chadhaye jate haian. varsha rritu mean hari-hari doob chadhayi jati hai. sharad rritu mean suramy kamal ke pushp chadhate haian. tattath rritukaloddhav phal-pushpoan se bhagavan ki pooja ki jati hai. isi se vah pooja taji aur nity nootan pratit hoti hai. usase ji nahian oobata. chhote bachche ko jab ‘k’ likhakar kahate haian ki ‘us par hath phero‚ ise mota banao‘ to yah kriya use uba dene vali maloom hoti hai. vah samajh nahian pata ki ise mota kyoan banaya jata hai. vah peansil a di karake use jaldi mota bana deta hai. parantu age chalakar vah naye-naye aksharoan ko, unake samuday ko dekhata hai. tarah-tarah ki pustakean padhane lagata hai. sahity ki nanavidh samun-malaoan ka anubhav leta hai, tab use apar anand maloom hota hai. yahi bat seva ke kshetr ki hai. sadhanoan ki nity, navinata se seva ki umang badhati hai. seva vritti ka vikas hota hai. srishti ki yah nashvarata nity naye pushp khila rahi hai. gaanv ke nikat shmashan hai, isi se gaanv ramaniy maloom hota hai. purane log ja rahe haian, naye balak janm le rahe haian. srishti nity navin badh rahi hai. bahar ka yah shmashan yadi mita doge, to vah ghar mean akar baith jayega. tum oob uthoge unhian-unhian vyaktiyoan ko roj-roj dekhakar. garmiyoan mean garmi p dati hai, prithvi tapati hai, parantu is se ghabaraoan nahian. yah roop badal jayega. varsha ka sukh lene ke lie yah tapan avashyak hai. yadi jamin khoob tapi n hogi, to pani barasate hi kich d ho jayegi. phir trinadhany usamean nahian mil payeange. maian ek bar garmiyoan mean ghoom raha tha. sir tap raha tha. b da anand a raha tha. ek mitr ne mujhase kaha- ‘sir tap jayega, to takaliph hogi.’ maianne kaha- ‘niche jamin bhi to tap rahi hai. is mitti ke putale ko jara tapane do.’ sir tapa hua ho, us par pani ki dhar p dane lage, to kitana anand hota hai! parantu jo garmiyoan mean tapata nahian, vah pani barasane par bhi apani pustak mean sir ghusakar baitha rahega. apane kamare mean, us qabr mean hi ghusa rahega. bahar ke is vishal abhishek patr ke niche kh da rahakar anand se nachega nahian; parantu hamare ve maharshi manu, b de rasik aur srishti-premi the. ve smriti mean likhate haian- ‘jab pani barasane lage, to chhutti kar do.’ jab varsha ho rahi ho, to kya ashram maian baithe path ghokhate rahean? varsha mean to nachana-gana chahie. srishti se ekaroop hona chahie. varsha mean prithvi aur akash ek-doosare se milate haian. yah bhavy drishy kitana anandadayi hota hai. yah srishti svayan hamean shiksha de rahi hai. saraansh, srishti ki ksharata, nashvarata ka arth hai, sadhanoan ki navinata. is tarah yah nav-nav-prasava sadhanadatri srishti, kamar kasakar seva ke lie kh da sanatan sevak aur vah sevy paramatma. ab chalane do khel.vah paramapurush purushottam naye-naye vividh seva-sadhan dekar mujhase premamoolak seva le raha hai. nana prakar ke sadhan dekar vah mujhe khila raha hai. mujhase tarah-tarah ke prayog kara raha hai. yadi hamare jivan mean aisi drishti a jaye to kitana anand milega! |
|
tika tippani aur sandarbh
sanbandhit lekh
| adhyay | adhyay ka nam | prishth sankhya |
varnamala kramanusar lekh khoj