khelat phagu kahat ho hori.
ut nagari samaj birajat, it mohan haladhar ki jori..
bajat tal, mridang, jhaanjh, daph, ruj, muraj baansuri dhuni thori.
sravan suhaee gari dai gavatian, ooanchi tan letian priy gori..
koti madan duri gayau dekhi chhavi teoo mohe jin mati bhori.
mohan nandanandan ras vithakit kyau hooan drishti jati nahi mori..
kumakum rang bhari pichakari, hari tan chhirakati navalakisori.
ihian bidhi umangi chalyau rang jahan tahan, manu anurag sarovaraphori..
kabahuank mili das bisak dhavati, letian chhi dai murali jhakajhori.
jai shridama lai avat tab, diyai mani bahu bhaanti patori..
bhari karakamal abir u davati, goviand nikat jai duri chori.
manahuan prachand batahat pankajadhoori, gagan sobhit chahuan ori.
kanakakalas kumakum bhari linhau, kastoori tamai ghasi ghori.
khel paraspar kich machi dhar, adhik sugandh bhee brajakhori..
gval bal sab sang mudit man, jai jamunajal nhai hilori.
ne basan abhooshan pahirat, arun, set patanbar kori..
duij samajasamet karat dvij tilak, doob dadhi rochan rori.
'soor' syam biprani, bandijan, det ratan kanchan ki bori..2908..
