kanhaee se prem kaise karean?
kuchh tho de apavad hote haian. atit mean hue haian aur kabhi bhi ho sakate haian. laila ke prati majanoo ka prem - lekin aisa prem jab sthayi aur anany ho jata hai to divy ho jata hai. vah jisamean hota hai, usaki dehasakti tatha samast kshudr durbalataoan ko samapt kar deta hai. usamean keval avidhipoorvak bhranti rahati hai, jo kisi bhi kshan kisi sant-satpurush ka anugrah milate hi nasht ho jati hai. isiliye soophi sant-mat mean sthir laukik prem ki bahut mahatta hai. use lagabhag prathamik avashyakata man liya gaya hai.
kanhaee se prem karana hai to lok mean kahian, kisi se bhi priti ki kaise ki ja sakati hai. ek hi samay, ek sath ap poorv aur pashchim kaise chal sakate haian. svarth aur paramarth ek sath sadha nahian karata.
‘mujhe lok mean unnati-saphalata bhi chahiye aur paramarth bhi’ ek ne likha. unako uttar bhala maian kya deta. jo ek sath oopar-niche donoan or dau dana chahata hai, vah girega. usake niche hi ludhakane ki sambhavana adhik hai.
maian nahian kahata ki sansar ka sukh-vaibhav aur kanhaee ki priti ek vyakti ko prapt nahian hoti. sudama ko svayan shrikrishn ne apar vaibhav diya. maharaj janak, chakravarti maharaj dasharath athava vrajaraj nandababa ke pas aishvary kam nahian tha aur inamean priti kam thi, yah to socha bhi nahian ja sakata.
bahar ki sthiti kya hai, yah mahattv ki bat nahian hai. bahar koee chakravarti samrat bhi ho sakata hai aur nitant kangal bhi. mahattv ki bat yah hai ki usake hriday ka rag kahaan hai. ap chahate kya haian? kanhaee ka prem aur laukik vastu ya sthiti ek sath chahi nahian ja sakati. jab koee donoan ko chahata hai to isaka arth hota hai ki vastutah use sansar hi chahiye. shyam ke prem ko chahana matr aupacharikata hai.
ek parichit vidvan kaha karate haian - ‘log to chahate haian ki sansar ka sab sukh-samman bana rahe aur ek jeb mean bhagavan bhi a jayan. ve bhagavan ko - bhagavatprem ko bhi apane ahankar ka abhooshan banana chahate haian aur bhagavan abhooshan bana nahian karate.’ kanhaee ka - kanhaee ke prem ka bhi ek svabhav hai ki jab ye ate haian, sansar ko niras kar dete haian. tab bhale sampatti, parivar aur pratishtha bani rahe, inake rahane mean koee ras - koee sukh nahian rah jata. ye rahean hi, aisa tho da bhi agrah nahian karata.
shri raghunath ke van mean chale jane par maharaj dasharath pran hi nahian rakh sake. kanhaee ke mathura jane par vraj ke logoan ki kya dasha huee? kise bhagavatprem prapt hua jisaki tanik bhi ruchi-priti sansar ke vaibhav ya bhogoan mean thi? sansar ka chahe jitana vaibhav prapt ho, kanhaee ka prem ayega to sabako niras bana hi dega.
kanhaee se prem karana hai? tab sansar se nirapeksh ho jana p dega. tab yah rahe - yah n rahe, yah mile - yah n mile, amuk sukhi-santusht rahe - amuk door bana rahe, jivan mean aisi paristhiti rahe - aisi n rahe, yah sab agrah sarvatha chho d dena hoga.
sanbandhit lekh
varnamala kramanusar lekh khoj