aju kanh karihaian anaprasan.
mani-kanchan ke thar bharae, bhaanti-bhaanti ke basan.
nand-gharani braj-vadhoo bulaee, je sab apani paanti.
kou jyaunar karati, kou ghrit-pak, shataras ke bahu bhaanti.
bahut prakar kie sab vyanjan, amit karan mishthan.
ati ujjval-komal-suthi-suandar, dekhi mahari man man.
jasumati nandahian boli kahyau tab, mahar, bulavahu jati.
apu ge nand sakal-mahar-ghar lai ae sab jnati.
adar kari baithai sabani kauan, bhitar ge nandarai.
jasumati ubati nhavai kanhi kauan, pat-bhooshan pahirai.
tan jhanguli, sir lal chautani, choora duhuan kar-pai.
bar-bar mukh nirakhi jasoda, puni-puni leti balai.
ghari jani sut-mukh-jutharavan nand baithe lai god.
mahar boli baithari mandali, anand karat binod.
kanak-thar bhari khir dhari lai, tapar ghrit-madhu nai.
nand lai-lai hari mukh jutharavat, nari uthian sab gai.
shataras ke parakar jahaan lagi, lai lai adhar chhuvavat.
bisvanbhar jagadis jagat-guru parasat mukh karuvavat.
tanak-tanak jal adhar poanchhi kai jasumati pai pahuanchae.
harashavant juvati sab lai-lai, mukh choomatian ur lae.
mahar gop sabahi mili baithe, panavare parasae.
bhojan karat adhik ruchi upaji, jo jakaian man bhae.
ihian bidhi sukh bilasat brajabasi, dhani gokul nar-nari.
nand-suvan ko ya chhabi oopar, sooradas balihari..89..
