shri shrichaitany-charitavali -prabhudatt brahmachari59. bhaktoan ko bhagavan ke darshan
mallanamashanirnrinaan naravarah strinaan smaro moortimanh' shrikrishnabhagavan ne jab baladev ji ke sahit kans ke rangamandap mean pravesh kiya tha, tab vahaan par vibhinn prakriti ke manushy baithe hue the. unhoanne apani-apani bhavana ke anusar bhagavan ke sharir mean bhinn-bhinn roopoan ke darshan kiye the. isaliye vahaan ke upasthit nar-nariyoan ko apani-apani prakriti ke anusar navoan rasoan ka anubhav hua. koee to bhagavan ke roop ko dekhakar dar gaye, koee kaanpane lage, koee ghrina karane lage, koee hansane lage, kisi ke hriday mean prem utpann hua aur kisi ko krodh utpann hua. striyoan ko to ve sakshat kamadev hi pratit hue. kiantu yahaan prabhu ke prakash ke samay sabhi ek hi prakriti ke bhagavadbhakt hi the. isaliye prabhu ke mahabhav se sabhi ko samanabhav se anand hi hua, sabhi ne unake prakash ke alok mean sukh ka hi anubhav kiya, sabhi ne unamean bhagavatta ke hi darshan kiye, kiantu sabake isht bhinn-bhinn hone ke karan, ek hi bhagavan unhean vibhinn bhav se dikhayi diye. sabhi ne prabhu ke sharir mean apane-apane ishtadev ka hi svaroop dekha. sabase pahale batoan-hi-batoan mean prabhu ne shrivas pandit ke oopar kripa ki. apane shrivas pandit ko sambodhit karate hue kaha- ‘shrivas! tum hamare param kripapatr ho, ham sada hi tumhari dekh-rekh karate haian. tumhean vah ghatana yad hai, jab devanand pandit ke yahaan tum bahut-se any shishyoan ke sahit shrimadbhagavat kapath sun rahe the. path sunate-sunate tum bich mean hi bhavavesh mean akar moorchchhit ho gaye the. us samay tumhare bhavavesh ko n to pandit ji hi samajh sake the aur n unake shishy hi samajh sake the. shishy tumhean kandhoan par ladakar tumhare ghar pahuancha gaye the. us samay maianne hi tumhean hosh mean kiya tha, maianne hi tumhari moorchchha bhang ki thi.’ prabhu ke mukh se apani is gupt ghatana ko sunakar shrivas pandit ko param ashchary hua. unhoanne yah ghatana kisi ke sammukh prakat nahian ki thi. isake anantar prabhu advaitachary ko lakshy karake kahane lage- ‘achary! tumhean us din ki yad hai jab tumhean shrimadbhagavadgita ke nimn shlok par shanka ho gayi thi- sarvatahpanipadan tatsarvatoakshishiromukhamh. aur tum us din bina hi bhojan kiye so gaye the, is par maianne hi ‘panipadan tath’ ki jagah ‘panipadantah’ yah prakrit path batakar tumhari shanka ka nivaran kiya tha.’ is bat ko sunakar achary ne prabhu ke charanoan mean bar-bar pranam kiya. |
tika tippani aur sandarbh
- ↑ jis samay bhagavan ne apane b de bhaee baldev ji ke sath kans ke sabha mandap mean pravesh kiya; us samay rangamandap mean upasthit sabhi logoan ko unaki bhavana ke anusar bhagavan ke vibhinn roop dikhayi diye. malloan ko unaka sharir vajr ke saman, naroan ko narapati ke samman, striyoan ko moortiman kamadev ke saman, gopoan ko sakha ke saman, dushtajanoan ko sajiv dand ke saman, apane mata-pita ko putr ke saman, kans ko mrityu ke saman, ajnaniyoan ko virat ke saman, yogiyoan ko param tattv dake saman aur yadavoan ko param devata ke saman dikhayi dene laga. (jaki rahi bhavana jaisi. prabhu moorati dekhi tinh taisi..) shrimadbha. 10/43/17
- ↑ gita 13/13
sanbandhit lekh
kram sankhya | vishay | prishth sankhya |