vishay soochi
garg sanhita
vrindavan khand : adhyay 17
shrikrishn ka gopadevi ke roop se vrishabhanu-bhavan mean jakar shriradha se milana raja bahulashv bole- mune ! shriradhakrishn ke charitr ko sunate-sunate mera man aghata nahian- thik usi tarah jaise sharad rritu ke praphull kamal ka rasapan karate samay bhramaroan ko tripti nahian hoti. brahman ! tapodhan ! shrikrishn patni raseshvari dvara tulasi-sevan ka vrat poorn kar liye jane ke bad jo vrittaant ghatit hua, vah mujhe sunaiye. shri narad ji ne kaha- rajan ! shriradhika ki tulasi sevan seva ke nimitt ki gayi tapasya ko janakar, unaki priti ki pariksha lene ke liye ek din bhagavan shrikrishn vrishabhanupur mean gaye. us samay unhoanne adbhut gopaangana ka roop dharan kar liya tha. chalate samay unake pairoan se noopuroan ki madhur jhanakar ho rahi thi. kati ki karadhani mean lagi huee kshudraghantikaoan ki bhi madhur khanakhanahat sunayi p dati thi. aanguliyoan mean mudrikaoan ki apoorv shobha thi. kalaiyoan mean ratn jatit kangan, baanhoan mean bhujaband tatha kanth evan vaksh:sthal mean motiyoan ke har shobha de rahe the. bal ravi ke saman diptiman shishaphool se sushobhit kesh-pashoan ki veni-rachana mean apoorv kushalata ka parichay milata tha. nasika mean moti ki bulak hil rahi thi. sharir ki divy abha snigdh alakoan ke saman hi shyam thi. aisa roop dharan karake shrihari ne vrishabhanu ke mandir ko dekha. khaee aur parakotoan se yukt vah vrishabhanu bhavan char daravajoan se sushobhit tha tatha pratyek dvar par kajal varn ke saman vale gajaraj jhoomate the, jisase us rajabhavan ki manoharata badh gayi thi. us manh dap ka praangan vayu tatha man ke saman vegashali evan har aur chanvaroan se susajjit vichitr varn vale ashvoan se shobha pa raha tha. nareshvar ! savatsa gauoan ke samuday tatha dharmadhurandhar vrishabhavrind se bhi us bhavan ki b di shobha ho rahi thi. bahut-se gopal vahaan vanshi aur beant dharan kiye git ga rahe the. mayamayi yuvati ka vesh dharan kiye shyamasundar us praangan se aant:pur mean pravisht hue, jahaan koti sooryoan ke saman kaantiman kapatoan aur khanbhoan ki panktiyaan prakash phaila rahi thi. vahaan ke ratn-mandit aanganoan mean bahut-si ratnasvaroopa lalanaean sushobhit ho rahi thian. vina, tal aur mridang adi baje bajati huee ve manoharini gop-sundariyaan phooloan ki chh di liye shriradhika ke gun ga rahi thian. us aant:pur mean divy evan vishal upavan ki chhata chha rahi thi. usake bhitar anar, kund, mandar, nianboo tatha any ooanche-ooanche vriksh lahalaha rahe the. ketaki, malati aur madhavi lataean us upavan ko sushobhit karati thian. vahian shriradha ka nikuanj tha, jisamean kalp vriksh ke pushpoan ki sugandh bhari thi. |
tika tippani aur sandarbh
sanbandhit lekh
kram sankhya | vishay | prishth sankhya |