virah-padavali -sooradas
yashoda-vachan shrikrishn ke prati (yashoda ji kahati haian-) ‘mere raja gopal! mere pran (tumhare bina) kisake sahare raheange, vraj ki apeksha bhi nirmam evan kathor mathura jane ki bat nishthur banakar (kyoan) kahate ho. isaka to nam (akroor nahian) kroor hai, isaki gati kroor (kathor) hai aur buddhi bhi kroor hai, yah kisaliye gokul aya ? (avashy hi) kutil raja kans ne (hamase) vair manakar shyamasundar ko lene ke liye (ise) bheja hai. jis mukh se vrajaraj (nandaray) ko (shyamasundar) pita aur mujhe maiya kahate haian, (inake) usi mukh se (mathura) jane ki bat sunakar bhi maian (aj) jivit hooan! (kya kiya jay) vidhata se kya vash chal sakata hai. ab kaun apane kamal-saman hathoan se mathani (dahi bilone ka bhajan) pak dega, kaun hath karake makkhan khayaga aur (phir) jab megh vraj ke oopar pralay varsha karane lageange, tab kaun giriraj (govardhan) ko hath par uthayega ? kanhaiya! maian tumhare in charan-kamaloan par bar-bar balihari jati hooan, tum yahian raho.’ sooradas ji kahate haian- (yah kahati huee) yashoda ji (mohan ko) dekhati huee prithvi par moorchchhit hokar gir padian. |
tika tippani aur sandarbh
sanbandhit lekh
pad sankhya | pad ka nam |