|
agale adhyay mean char prakar ke pralay arthat Dissolution, bataye gaye haian. ab tak hamane srishti ka niroopan dekha hai, ab pralay ko bhi dekheange.
(1) nity pralay - pratidin ka hamara shayan hi nity pralay hai. jab koee jiv so jata hai to usaka sansar, sukh-duahkh sab lin ho jate haian. yah pratidin hota hai. aur vah jab jagata hai to phir se srishti ho jati hai, so jane par punah lay ho jata hai. aur phir, sansar ke sabhi prani nity hi utpann v nasht hote rahate haian. sabhi padarth nity parivartit hote rahate haian. yah bhi nity pralay hi hai.
(2) naimittik pralay - kisi nimitt ke karan jo pralay hota hai, use naimittik pralay kahate haian. kal ki ganana ham dekh chuke haian. lakhoan yug ka ek mahayug hota hai. aur ek hajar mahayugoan ke bitane par brahmaji ka ek din hota hai. brahmaji ka ek din samapt hone par jo pralay hota hai, use naimittik pralay kahate haian.
(3) prakrit pralay - brahmaji ki ayu sau sal ki batayi jati hai. unake sau sal poore hone par jo pralay hota hai, use prakrit pralay kahate haian.
(4) atyantik pralay - atyantik arthat poornatah. doosare pralayoan mean srishti ke bij nasht nahian hote, atah pralay aur srishti ka kram bana rahata hai. isalie hamean barambar is bandhan roopi srishti ki prapti hoti rahati hai. parantu atyantik pralay jnan se hota hai. atah ham chahean to srishti ka atyantik pralay isi samay kar sakate haian.
jaise, jab ham sinema dekhate haian to pralay karake hi dekhate haian. sinema, natak adi dekhate samay hamean jnat hota hai yah sab vastavikata nahian hai - mithya hai. yadi aisa samajhakar dekhean, to usaka atyantik pralay ho hi gaya hai, usake lie sinema ki samapti avashyak nahian hai. vah hamean duahkhi-sukhi nahian kar sakata hai. haan, natak dekhate hue usamean ane vale drishyoan ke anuroop kabhi hans lete haian, kabhi ro lete haian to kabhi bhayabhit bhi ho jate haian, lekin natak samapt hone par ham poorvavat hi rahate haian. to atyantik pralay hota hai jnan ke dvara.
jab jnan ki drishti se is srishti ko dekhate haian to samajhate haian ki tattv keval ek hi hai, vahi tattv vibhinn nam roop dharan karake nana roop se bhas raha hai. isamean koee doosara saty, tattv nahian hai. aisa janana hi atyantik pralay hai. is prakar shukadev ji ne parikshit ko char prakar ke pralay samajhakar batae haian.
|
|