वल्लभ सम्प्रदाय

sankshipt parichay

vallabh sampraday
vivaran	'vallabh sampraday' hinduoan ke vaishnav sampradayoan mean se ek hai. vallabhachary ne apane shuddhadvait darshan ke adhar par is mat ka pratipadan kiya tha.
any nam	'vallabh mat', 'pushtimarg'
sansthapak	vallabhachary
bhakti ke prakar	'maryadabhakti' tatha 'pushtibhakti'
vishesh	vallabhachary ne pushtimarg ki sthapana samay ki avashyakata ka anubhav karake ki thi. apane 'krishnashray' namak prakaran-granth mean unhoanne us samay ka vishad chitran kiya hai.
sanbandhit lekh	hindoo dharm, vallabhachary, vaishnav sampraday, nimbark sampraday
any janakari	jo bhakt sadhan nirapeksh ho, bhagavan ke anugrah se svat: utpann ho aur jisamean bhagavan dayalu hokar svat: jiv par daya karean, vah 'pushtibhakti' kahalati hai. aisa bhakt bhagavan ke svaroop darshan ke atirikt any kisi vastu ke lie prarthana nahian karata.

pushtimarg / vallabh sampraday
vallabh sampraday bhakti ka ek sanpraday hai, jisaki sthapana mahaprabhu vallabhachary ne ki thi. ise 'vallabh sanpraday' ya 'vallabh mat' bhi kahate haian. chaitany mahaprabhu se bhi pahale 'pushtimarg' ke sansthapak vallabhachary shriradha ji ki pooja karate the, jahaan kuchh sanpradayoan ke anusar, bhaktoan ki pahachan radha ki saheliyoan (sakhi) ke roop mean hoti hai, jinhean radha-krishn ke lie aantarang vyavastha karane ke lie visheshadhikar prapt hota hai. apane vaishnav sahadharmiyoan ke sath radhavallabhi, bhagavat puran ke prati apar shraddha rakhate haian, lekin kuchh aantarangata jo radha aur gopiyoan ke sath rishtoan ki paridhi ke bahar hai, vah is sampraday ke darshan mean shamil nahian hai.

sansthapak

vallabhachary ne apane shuddhadvait darshan ke adhar par is mat ka pratipadan kiya, jo bhakt sadhan nirapeksh ho, bhagavan ke anugrah se svat: utpann ho aur jisamean bhagavan dayalu hokar svat: jiv par daya karean, vah 'pushtibhakti' kahalati hai. aisa bhakt bhagavan ke svaroop darshan ke atirikt any kisi vastu ke lie prarthana nahian karata. vah aradhy ke prati atmasamarpan karata hai. isako 'premalakshana bhakti' bhi kahate haian. aisi bhakti karm, jnan aur yog se bhi shreshth bataee gee hai.

bhagavat puran ke anusar bhagavan ka anugrah hi poshan ya pushti hai. achary vallabh ne isi bhav ke adhar par apana pushtimarg chalaya. isaka mool sootr upanishadoan mean paya jata hai. 'kathopanishad' mean kaha gaya hai ki paramatma jis par anugrah karata hai, usi ko apana sakshatkar karata hai. vallabhachary ne jiv atmaoan ko paramatma ka aansh mana hai, jo chiangari ki tarah us mahan atma se chhitake haian. yadyapi ye alag-alag haian tathapi gun mean saman haian. isi adhar par vallabh ne apane ya paraye sharir ko kasht dena anuchit bataya hai.

bhakti ke prakar

pushtimarg mean paramatma ki kripa ke sham-damadi bahirang sadhan haian aur shravan, manan, nididhyasan antarang sadhan. bhagavan mean chitt ki pravanata seva hai aur sarvatmabhav manasi seva hai. achary ki sammati mean bhagavan ka anugrah (kripa) hi pushti hai. bhakti do prakar ki hai-

1. maryadabhakti
2. pushtibhakti

maryadabhakti - isamean shastravihit jnan aur karm ki apeksha hoti hai. ved-vihit karm ka anusaran karana tatha jnanaprapti ka prayatn karana maryada marg kaha jata hai.

pushtibhakti - bhagavan ke anugrah se jo bhakti utpann hoti hai, vah pushtibhakti kahalati hai. aisa bhakt bhagavan ke svaroop darshan ke atirikt aur kisi vastu ke lie prarthana nahian karata. vah apane aradhy ke prati sampoorn atmasamarpan karata hai. isako premalakshana bhakti bhi kahate haian. narad ne is bhakti ko karm, jnan aur yog se bhi shreshth batalaya hai. unake anusar yah bhakti sadhan nahian, svat: phalaroopa hai. pushtimarg ki prachinata pramanit karane ke lie shruti ko uddhrit kiya jata hai, jisamean atma ki upalabdhi keval kripa ke dvara batayi gayi hai. kathopanishad mean bhi bhagavan ke prasad se hi atmadarshan sambhav bataya gaya hai.

bhagavan ke svaroop

shrimadbhagavat mean to bhagavan ke anugrah ki mahima sthan-sthan par batayi gayi hai. shuddhadvait ke anusar brahm sat, chit aur anand-svaroop hai. usake mukhy tin svaroop haian-

1. poorn purushottam ras athava anandasvaroop paranbrahm shrikrishn roop.
2. akshar brahm, jo ganitanand hai aur vah pun: do prakar ke roopoan mean parinat hota hai- ek poorn purushottam ka akshar dham aur doosara kal, karm, svabhavaroop mean prakat hone vale, prakriti, jiv tatha anek devi-devataoan ka roop.
3. antaryami roop.

maryada-marg akshar brahm ki vani se utpann hua hai, usaka sadhak jnan ke dvara akshar-dham ki mukti ko hi dhyey banata hai. is marg mean bhagavan sadhan-paratantr rahata hai, arthat sadhak ke ved maryadit sadhanoan ke anusar hi phal deta hai. maryada ki raksha karana usake lie avashyak hota hai, parantu pushtimarg sakshat purushottam shrikrishn ke sharir se utpann hua hai. usaka anuyayi atmasamarpan-yukt rasatmak prem ke dvara bhagavan ki anandalila mean lin hone ka ichchhuk hota hai. pushtimarg ekamatr bhagavan ke anugrah par nirbhar hai.

vistar se padhane ke lie bharatakosh par jaean