saptachatvariansh(47) adhyay: shanti parv (rajadharmanushasan parv)
mahabharat: shanti parv: saptachatvariansh adhyay: shlok 50-51 ka hindi anuvad
vishvedev, marudgan, rudr, indr, adity, ashvinikumar, vasu, siddh aur sadhy - ye sab jinaki vibhootiyaan haian, un devasvaroop paramatma ko namaskar hai.. avyakt prakriti, buddhi ( mahattattv ), ahankar, man, jnanendriyaan, tanmatraean aur unaka kary - ve sab tinake hi svaroop haian, un tattvamay paramatma ko namaskar hai.. jo bhoot, vartaman aur bhavishy - kal roop haian, jo bhoot adi ki utpatti aur pralay ke karan haian, jinhean sampoorn praniyoan ka agraj bataya gaya hai, un bhootatma parameshvar ko namaskar hai.. sookshm tattv ko janane vale jnani purush jis param sookshm tattv ka anusandhan karate rahate haian, jo sookshm se bhi sookshm hai, vah brahm jinaka svaroop haian, un sookshmatma ko namaskar hai.. jinhoanne matsy sharir dharan karake rasatal mean jakar nasht hue sampoorn vedoan ko brahmaji ke liye shighr la diya tha, un matsy roopadhari bhagavanh shrikrishn ko namaskar hai.. jinahoanne amrit ke liye samudr manthan ke samay apani pith par machharachal parvat ko dharan kiya tha, un atyant kathor dehadhari kachchhaparoop bhagavanh shrikrishnh ko namaskar hai. jinhoanne varaharoop dharan karake apane ek daant se van aur parvatoan sahit samoochi prithvi ka uddhar kiya tha, un varaharoopadhari bhagavanh ko namaskar hai.. jinhoanne nrisianharoop dharan karake sampoorn jagath ke liye bhayankar hiranyakashipu namak rakshas ka vadh kiya tha, un nrisianhasvaroop shrihari ko namaskar hai.. jinhoanne vamanaroop dharan karake maya dvara bali ko baandhakar sari triloki ko apane pairoan se nap liya tha, un krantikari vamanaspadhari shrikrishn ko pranam hai.. jinahoanne shastradhariyoan mean shreshth jamadagniputr parashuram ka roop dharan karake is prithvi ko kshatriyoan se hin kar diya, un parashuram svaroop shrihari ko namaskar hai.. jinhoanne akele ki dharm ke prati gaurav ka ullanghan karane vale kshatriyoan ka yuddh mean ikkis bar sanhar kiya, un krodhatma parashuram ko namaskar hai. jinhoanne dasharathanandan shriram ka roop dharan karake shuddh mean pulatsy kulanandan ravan ka vadh kiya tha, un kshatriyatma shriram svaroop shrihari ko namaskar hai. jo sada hal, moosal dharan kiye adbhut shobha se sampann ho rahe haian, jinake shriaangoan par nil vastr shobha pata hai, un sheshavatar rohininandan ram ko namaskar hai. jo shankh, chakr, sharang dhanush, pitambar aur vanamala dharan karate haian, un shrikrishn svaroop shrihari ko namaskar hai.. jo kans vadh ke liye vasudev ke shobhashali putr ke roop mean prakat hue aur nand ke gokul mean bhaanti-bhaanti ki lilaean karate rahe, un lilamay shrikrishn ko namaskar hai. |
tika tippani aur sandarbh
sanbandhit lekh
varnamala kramanusar lekh khoj