trinavatitam (93) adhhyay: van parv (tirthayatra parv)
mahabharat: van parv: trinavatitam adhhyay: shlok 20-29 ka hindi anuvad
maharshiyoan ke aisa kahane par draupadi sahit pandavoan ne ‘bahut achchha.’ kahakar (unaki ajnaean shirodhary ki aur unake bataye hue niyamoan ka palan karane ki) pratijna ki. tatpashchat un divy aur manav maharshiyoan ne un sabake liye svastivachan kiya. rajendr! tadanantar maharshi lomash, dvaipayan vyas, devarshi narad aur parvat ke charanoan ka sparsh karake vanavasi brahmanoan, purohit dhaumy aur lomash adi ke sath vir pandav tirthayatra ke liye nikale. margashirsh ki poornima vyatit hone par jab pushy nakshatr tha, tab usi nakshatr mean unhoanne yatra prarambh ki. un sab ne sharir par phate-purane vastr ya mrigacharm dharan kar rakhe the. unake mastak par jataean thian. unake aang abhedy kavachoan se dhake hue the. ve sooryapradatt bataloee adi patr lekar vahaan tirthoan mean vicharan karane lage. unake sath indrasen adi chaudah se adhik sevak rath liye pichhe-pichhe ja rahe the. rasoee ke kam mean sanlagn rahane vale anyany sevak bhi unake sath the. janamejay! vir pandav avashyak astr-shastr le, kamar mean talavar baandhakar pith par tarakas kase hue, hathoan mean ban liye poorv disha ki or muanh karake vahaan se prasthit hue.
is prakar shrimahabharat vanaparv ke aantargat tirthayatraparv mean lomashatirthayatra vishayak tiranabevaan adhyay poora hua.
|
tika tippani aur sandarbh
sanbandhit lekh
varnamala kramanusar lekh khoj