shatshashtitam (66) adhhyay: anushasan parv (danadharm parv)
mahabharat: anushasan parv: shatshashtitam adhyay: shlok 22-43 ka hindi anuvad
prithvinath! jo vidvan grih dan karata hai, vah bhi usake puny se indr ke sath anandapoorvak nivas karata aur svargalok mean sammanit hota hai. adhyapak-vansh mean utpann shrotriy evan jitendriy brahman jisake diye hue ghar mean prasannata se rahata hai, use shreshth lok prapt hote haian. bharatashreshth! jo gauoan ke liye sardi aur varsha se bachane vala sudridh nivas sthan banavata hai, vah apani sat pidhiyoan ka uddhar kar deta hai. khet ke yogy bhoomi dan karane vala manushy jagat mean shubh sanpatti prapt karata hai aur jo ratnayukt bhoomi ka dan karata hai, vah apane kul ki vansh-paranpara ko badhata hai. jo bhoomi oosar, jali huee aur shmashan ke nikat ho tatha jahaan papi purush nivas karate hoan, use brahman ko nahian dena chahiye. jo parayi bhoomi mean pitaroan ke liye shraddh karata hai athava jo us bhoomi ko pitaroan ke liye dan mean deta hai, usake ve shraddh karm aur dan donoan hi nasht (nishphal ho jate) haian. atah vidvan purush ko chahiye ki vah tho di-si bhi bhoomi kharid kar usaka dan kare. kharid kar apani ki huee bhoomi mean hi pitaroan ko diya hua pind sada sthir rahane vala hota hai. van, parvat, nadi aur tirth- ye sab sthan kisi svami ke adhin nahian hote haian. (inhean sarvajanik mana jata hai), isaliye vahaan shraddh karane ke liye bhoomi kharidane ki avashhyakata nahian hai. prajanath! is prakar yah bhoomidan ka phal bataya gaya hai. anagh! isake bad mean tumhean godan ka mahatmay bataooanga. gauean samast tapasviyoan se badhakar haian; isaliye bhagavan shankar ne gauoan ke sath rahakar tap kiya tha. bharat! ye gauean chandrama ke sath us brahmalok mean nivas karati haian, jo paramagati roop hai aur jise siddh brahmarshi bhi prapt karane ki ichchha rakhate haian. bharatanandan! ye gauean apane doodh, dahi, ghi, gobar, cham da, haddi, siang aur baloan se bhi jagat ka upakar karati rahati haian. inhean sardi, garmi aur varsha ka bhi kasht nahian hota hai. ye sada hi apana kam kiya karati haian. isaliye ye brahmanoan ke sath paramapadasvaroop brahmalok mean chali jati haian. isi se gau aur brahman ko manasvi purush ek batate haian. rajan! raja rantidev ke yajn mean ve pashu roop se dan dene ke liye nishchit ki gayi thian; atah gauoan ke cham doan se vah charmanvati namak nadi pravahit huee thi. ve sabhi gauean pashutv se vimukt thian aur dan dene ke liye niyat ki gayi thian. |
tika tippani aur sandarbh
sanbandhit lekh
varnamala kramanusar lekh khoj