vishay soochi
brahm vaivart puran
shrikrishnajanmakhand: adhyay 39
giriraj ne mena ke sath ekant mean salah karake parvati ko usaki mangal-kamana se shiv ke samip bheja. parvati ka hriday bhagavan shankar mean anurakt tha. sakhiyoan ke sath manohar vesh dharan karake harshapoorvak ve shiv ke nikat gayian. vahaan prasannamukh aur netr vale shantasvaroop shiv ka darshan karake shiva ne sat bar parikrama ki aur muskarakar unhean pranam kiya. us samay bhagavan shiv ke ashirvad dete hue kaha– ‘sundari! tumhean anany premi, gunavan, amar, jnanishiromani aur sundar pati prapt ho. shubhe! tumhara pati vishayak saubhagy satat bana rahe. sadhvi! tumhara putr narayan ke saman gunavan hoga. jagadambike! tinoan lokoan mean tumhari utkrisht pooja hogi. tum samast brahmandoan mean sabase shreshth hoo. sundari! tumane sat bar parikrama karake bhaktibhav se mujhe namaskar kiya hai. atah maian sat janmoan ke liye santusht ho gaya. tum usaka phal pao. tirth, priyatam pati, ishtadevata, gurumantr tatha aushadh mean jinaki jaisi astha hoti hai, unhean vaisi hi siddhi prapt hoti hai.’ aisa kahakar yogishvar shankar ne vyaghracharm par yogasan lagaya aur mujh parabrahmaroop jyoti ka tatkal dhyan arambh kar diya. tab devi parvati ne unake donoan charan pakharakar charanamritapan kiya aur agnishuddh vastr se bhaktipoorvak un charanoan ka marjan kiya. vishvakarma dvara nirmit ramaniy ratnasianhasan unaki seva mean arpit kiya. phir kaansyapatr mean rakhe hue apoorv naivedy ka bhog lagaya. tatpashchat unake charanoan mean gangajal se yukt arghy diya. isake bad manohar sugandhayukt chandan tatha kastoori aur kuankum bhi seva mean prastut kiye. tadanantar halahal vish ke chihn se sundar pratit hone vale kanth mean malati ki mala pahanayi. bhakti-bhav se pooja ki. shiv ki prasannata ke liye un par pushpoan ki vrishti ki. suvarnapatr mean amrit aur madhur madhu diya. saik doan ratnamay dip jalaye. sab or uttam dhoop ki sugandh phailayi. tribhuvan-durlabh vastr, sone ke taroan ka yajnopavit tatha pine ke liye sugandhit evan shital jal parvati ne apane priyatam ki seva mean prastut kiye. phir ratnasarendr nirmit atishay sundar ramaniy bhooshan, suvarnamadhi siang vali durlabh kamadhenu, snanopayogi dravy, tirth jal tatha manohar tambool bhi kramashah arpit kiye. is prakar shodashopachar chadhakar parvati ne baranbar pranam kiya. yah unaka nity ka niyam ban gaya. ve pratidin bhaktibhav se shiv ki pooja karake pita ke ghar laut jaya karati thian. apsaraoan ke mukh se indr ne yah suna ki bhagavan maheshvar parvati devi ke prati anurakt haian. yah samachar sunakar indr harsh se nachane lage. unhoanne b di utavali ke sath doot bhejakar kamadev ko bulavaya. indr ki ajna se kamadev amaravatipuri mean gaye. tab indr ne unhean shighr hi us sthan par bheja, jahaan shiva aur shiv vidyaman the. panchaban kam ne apane paanchoan banoan ko sath le us sthan ko prasthan kiya, jahaan shakti sahit shiv virajaman the. |
tika tippani aur sandarbh
sanbandhit lekh
adhyay | vishay | prishth sankhya |