pativrate! sabase pahale bhagavan dhanvantari ne ‘chikitsa-tattvavijnan’ namak ek manohar tantr ka nirman kiya. phir divodas ne ‘chikitsa-darpan’ namak granth banaya. kashiraj ne ‘divy chikitsa-kaumudi’ ka pranayan kiya. donoan ashvinikumaroan ne ‘chikitsa-saratantr’ ki rachana ki, jo bhram ka nivaran karane vala hai. nakul ne ‘vaidyakasarvasv’ namak tantr banaya. sahadev ne ‘vyadhisindhuvimardan’ namak granth taiyar kiya. yamaraj ne ‘jnanarnav’ namak mahatantr ki rachana ki.
bhagavan chyavan muni ne ‘jivadan’ namak granth banaya. yogi janak ne ‘vaidyasandehabhanjan’ namak granth likha. chandrakumar budh ne ‘sarvasar’, jabal ne ‘tantrasar’ aur jajali muni ne ‘vedaangasar’ namak tantr ki rachana ki. pail ne ‘nidanatantr’, karath ne uttam ‘sarvadhar-tantr’ tatha agasty ji ne ‘dvaidhanirnay’ tantr ka nirman kiya. ye solah tantr chikitsa-shastr ke bij haian, rog-nash ke karan haian tatha sharir mean bal ka adhan karane vale haian. ayurved ke samudr ko jnanaroopi mathani se mathakar vidvanoan ne usase navanit-svaroop ye tantr–granth prakat kiye haian.
sundari! in sabako kramashah dekhakar tum divy bhaskar-sanhita ka tatha sarvabij svaroop ayurved ka poornataya jnan prapt kar logi. ayurved ke anusar rogoan ka parijnan karake vedana ko rok dena– itana hi vaidy ka vaidyatv hai. vaidy ayu ka svami ka svami nahian hai– vah use ghata athava badha nahian sakata. chikitsak ayurved ka jnata, chikitsa ki kriya ko yathartharoop se janane vala dharmanishth aur dayalu hota hai; isaliye use ‘vaidy’ kaha gaya hai.
darun jvar samast rogoan ka janak hai. use rokana kathin hota hai. vah shiv ka bhakt aur yogi hai. usaka svabhav nishthur hota hai aur akriti vikrit (vikaral). usake tin pair, tin sir, chhah hath aur nau netr haian. vah bhayankar jvar kal, antak aur yam ke saman vinashakari hota hai. bhasm hi usaka astr hai tatha rudr usake devata haian. mandagni usaka janak hai. mandagni ke janak tin haian– vat, pitt aur kaph. ye hi praniyoan ko duahkh dene vale haian.
vataj, pittaj aur kaphaj– ye jvar ke tin bhed haian. ek chautha jvar bhi hota hai, jise tridoshaj bhi kahate haian. pandu, kamal, kushth, shoth, pliha, shoolak, jvar, atisar, sangrahani, khaansi, vran (pho da), halimak, mootrakrichchhr, raktavikar ya raktadosh se utpann hone vala gulm, vishameh, kubj, god, galagand (gheangha), bhramari, sannipat, visoochika (haija) aur daruni adi anek rog haian. inhian ke bhed aur prabhedoan ko lekar chauansath rog mane gaye haian. ye chauansath rog mrityukanya ke putr haian aur jara usaki putri hai. jara apane bhaiyoan ke sath sada bhootal par bhraman kiya karati hai.