vishay soochi
brahm vaivart puran
ganapatikhand: adhyay 38
parashuram ne kaha– ‘mahaprajn! brahmanaroopadhari ap kaun haian, maian yah nahian jan pa raha hooan; atah mujh anajan ko shighr hi apana parichay dijiye, tatpashchat raja ke pas jaiye.’ parashuram ka vachan sunakar brahman ko hansi a gayi, ve ‘maian vishnu hooan’ yoan kahakar raja ke pas yachana karane ke liye chale gaye. un donoan ke sannikat jakar vishnu ne unase kavach ki yachana ki. tab vishnu ki maya se mohit hokar unhoanne vishnu ko donoan kavach dan kar diye. bhagavan vishnu un kavachoan ko lekar vaikunth ko chale gaye. narad ji ne poochha– mahamune! bhoopal pushkaraksh ko mahalakshmi ka kavach kisane diya tha? tatha pushkaraksh ke putr ko durga ka durlabh kavach kisane bataya tha? ap ise batalane ki kripa karean; kyoanki ise sunane ki meri prabal utkantha hai. jagadguro! sath hi mujhe yah bhi bataiye ki un donoan ke kavach kaise the, unaka kya phal hai aur ve donoan mantr kis tarah ke the? shri narayan ne kaha– narad! buddhiman pushkaraksh ko mahalakshmi ka kavach aur dashakshar-mantr sanatkumar ne diya tha. unhoanne hi gopaniy stotr, usaka charit, pooja ki vidhi aur samavedokt manohar dhyan bhi batalaya tha. durga ka kavach, guhy stotr aur dashakshar-mantr poorvakal mean durvasa ne pushkaraksh-putr ko pradan kiya tha. isake pashchat devi ke us param adbhut sampoorn charit ko sunoge, jise unhoanne mahayuddh ke arambh mean prarthana karane par batalaya tha. ab maian tumhean mahalakshmi ka mantr batalata hooan; use shravan karo. ‘ooan shrian kamalavasinyai svaha’ yahi vah param adbhut mantr hai. muni! sanatkumar ne buddhiman pushkaraksh ko jo pooja vidhi aur samavedokt dhyan batalaya tha, use suno. sahasradalakamal jinaka asan hai, jo bhagavanh padmanabh ki sati-sadhvi priyatama haian, kamal jinaka ghar hai, jinaka mukh kamal ke sadrish aur netr kamalapatr ki-si abhavale haian, kamal ka phool jinhean adhik priy hai, jo kamal-pushp ki shayya par shayan karati haian, jinake hath mean kamal shobha pata hai, jo kamal-pushpoan ki mala se vibhooshit haian, kamaloan ke abhooshan jinaki shobha badhate haian, jo svayan kamaloan ki shobha ki vriddhi karane vali haian aur muskarati huee jo kamal-van ki or nihar rahi haian; un padmini devi ka maian anandapoorvak bhajan karata hooan. sadhak ko chahiye ki chandan ka ashtadal-kamal banakar us par kamal-pushpoan dvara mahalakshmi ki pooja kare. phir ‘gan’ ka bhalibhaanti poojan karake unhean shodashopachar samarpit kare. tadanantar stuti karake bhaktipoorvak unake samane sir jhukave. brahman! ab sabaka sararoop kavach tumhean batalata hooan; suno. |
tika tippani aur sandarbh
sanbandhit lekh
adhyay | vishay | prishth sankhya |