yogijan sada usi ka dhyan karate aur use parabrahm paramatma evan eeshvar ki sanjna dete haian. unaka kahana hai ki paramatma adrishy hokar bhi sabaka drashta hai. vah sarvajn, sabaka karan, sab kuchh dene vala, samast roopoan ka ant karane vala, rooparahit tatha sabaka poshak hai. parantu jo bhagavan ke sookshmadarshi bhakt vaishnavajan haian, ve aisa nahian manate haian. ve poochhate haian– yadi koee tejasvi purush– sakar purushottam nahian hai to vah tej kisaka hai?
yogi jis tejomandal ka dhyan karate haian, usake bhitar antaryami tejasvi paramatma paramapurush vidyaman haian. ve svechchhamayaroopadhari, sarvasvaroop tatha samast karanoan ke bhi karan haian. ve prabhu jis roop ko dharan karate haian, vah atyant sundar, ramaniy tatha param manohar hai. in bhagavan ki kishor avastha hai, ye shant-svabhav haian. inake sabhi aang param sundar haian. inase badhakar jagat mean doosara koee nahian hai. inaka shyam vigrah navin megh ki kanti ka param dham hai. inake vishal netr sharatkal ke madhyahn mean khile hue kamaloan ki shobha ko chhin rahe haian. motiyoan ki shobha ko tuchchh karane vali inaki sundar dantapankti hai. mukut mean mor ki paankh sushobhit hai.
malati ki mala se ye anupam shobha pa rahe haian. inaki sundar nasika hai. mukh par muskan chhayi hai. ye param manohar prabhu bhaktoan par anugrah ke saman vishuddh pitambar se inaka vigrah param manohar ho gaya hai. inaki do bhujaean haian. hath mean baansuri sushobhit hai. ye ratnamay bhooshanoan se bhooshit, sabake ashray, sabake svami, sampoorn shaktiyoan se yukt evan sarvavyapi poorn purush haian. samast aishvary pradan karana inaka svabhav hi hai. ye param svatantr evan sampoorn mangal ke bhandar haian. inhean ‘siddh’, ‘siddhesh’, ‘siddhikarak’ tatha ‘paripoornatam brahm’ kaha jata hai. in devadhidev sanatan prabhu ka vaishnav purush nirantar dhyan karate haian. inaki kripa se janm, mrityu, jara, vyadhi, shok aur bhay sab nasht ho jate haian. brahma ki ayu inake ek nimesh ki tulana mean hai. ye hi ye atma parabrahm shrikrishn kahalate haian.
‘krishh’ ka arth hai bhagavan ki bhakti aur ‘n’ ka arth hai, unaka ‘dasy’. atah jo apani bhakti aur dasyabhav dene vale haian, ve ‘krishn’ kahalate haian. ‘krishh’ sarvarthavachak hai, ‘n’ se bij arth ki upalabdhi hoti hai. atah sarvabij svaroop parabrahm paramatma ‘krishn’ kahe gaye haian.