prabhudatt brahmachari
| |
 | |
| poora nam | sant prabhudatt brahmachari |
| janm | 1885 |
| janm bhoomi | aligadh, uttar pradesh |
| mrityu | 1990 |
| mrityu sthan | vrindavan, mathura |
| pati/patni | pandit mevaram tatha ayudhyadevi |
| karm bhoomi | bharat |
| karm-kshetr | brajabhasha ke prakand vidvan tatha adhyatm ke purodha. |
| mukhy rachanaean | 'bharatiy sanskriti v shuddhi', 'shri shri chaitany charitavali', 'mahabharat ke pran mahatma karn', 'badrinath darshan', 'muktinath darshan', 'mahavir hanuman' adi. |
| bhasha | sanskrit, hindi, brajabhasha |
| prasiddhi | sadhana, samaj seva, sanskriti, sahity, svadhinata, shiksha adi ke samarpit poshak evan prerana-srot. |
| nagarikata | bharatiy |
| any janakari | prabhudatt brahmachari brajabhasha ke siddhahast kavi the. unhoanne sampoorn 'bhagavat' ko mahakavy ke roop mean chhandoan mean likha tha. 'bhagavat charit kosh' brajabhasha mean likhane ka ekamatr shrey inhian ko prapt hai. |
sant prabhudatt brahmachari (janm- 1885 ee., aligadh, uttar pradesh; mrityu- 1990, vrindavan, mathura) sanskrit, hindi aur brajabhasha ke prakand vidvan tatha adhyatm ke purodha the. ve sadhana, samaj seva, sanskriti, sahity, svadhinata, shiksha adi ke samarpit poshak evan prerana-srot the. unake jivan ke char mukhy sankalp the- 'dilli]mean hanuman ji ki 40 phut ooanchi pratima ki sthapana', 'rajadhani sthit paandavoan ke qile (indraprasth) mean bhagavan vishnu ki 60 phut ooanchi pratima ki sthapana', 'gauhatya par pratibandh' tatha 'shriram janmabhoomi ki mukti'. prabhudatt brahmachari is sadi ke mahan sant the. unhoanne satath nam sankirtan ki jyoti jalakar sadaiv desh aur samaj ki samriddhi ki kamana ki thi. gauraksha, ganga ki pavitrata, hindi bhasha, bharatiy sanskriti aur hindoo dharm ki seva unake jivan ke param lakshy the. unhoanne gauraksha ke mudde par anek anashan, andolan tatha yatraean ki thian.
janm tatha shiksha
prabhudatt brahmachari ka janm sanvat 1942 (1885 ee.) mean janapad aligadh, uttar pradesh ke gram ahivasi nagala mean ek nirdhan parivar mean hua tha. inake pita ka nam pandit mevaram tha. vidushi mata ayudhyadevi se sant sulabh sanskar prapt kar unhoanne ajivan brahmachary vrat dharan kiya tha. baldev, barasana, khurja, naravar evan varanasi mean unhoanne sanskrit ka adhyayan kiya. svami karapatri ji evan sahityakar kanhaiyalal mishr prabhakar unake sahapathi the. ve 'shrikrishn goviand hare murari, he nath narayan vasudev' mantr ke drishta the. prabhudatt brahmachari ji ka vyaktitv vilakshan aur virat tha. chhoti avastha mean hi ve grih tyagakar gurukul mean rahe, jahaan shiksha-diksha grahan ki. bachapan se hi saansarikata se virakt rahe brahmachari ji ne tap ko hi jivan ka lakshy bana liya tha. ve sanskrit sahity ka gahara adhyayan karate rahe.
'gauhatya nirodh samiti' ka gathan
bharat mean gayoan ki hatya hote dekhakar prabhudatt brahmachari ko bahut du:kh hua. unhoanne 'gauhatya nirodh samiti' banaee aur usake adhyaksh bane. san 1960-1961 mean kashmir se kanyakumari tak unhoanne kee bar bhraman kiya. 1967 mean gauhatya ke prashn ko lekar unhoanne 80 din tak vrat kiya aur sarakar ke vishesh agrah par apana vrat bhang kiya. brahmachari ji dvara dilli, vrindavan, badrinath aur prayag mean sthapit sankirtan bhavan ke nam se char ashram aj bhi sucharoo roop se chal rahe haian.
brajabhasha ke kavi v sahity rachana
sant prabhudatt brahmachari brajabhasha ke siddhahast kavi the. unhoanne sampoorn bhagavat ko mahakavy ke roop mean chhandoan mean likha tha. 'bhagavat charit kosh' brajabhasha mean likhane ka ekamatr shrey inhian ko prapt hai. dakshin bharat ki yatra ke samay prabhudatt brahmachari ne ek sthan par 26 phut ki hanuman ji ki pratima dekhi to vaisi hi ek vishalakay pratima banavane ka aur use dilli ke ashram mean dilli ke kotaval ke roop mean sthapit karane ka sankalp liya. prabhudatt brahmachari bharatiy sanskriti ke stambh rahe the. unhoanne nimn sahityik rachanaean ki thian-
- 'bharatiy sanskriti v shuddhi'
- 'shri shri chaitany charitavali'
- 'mahabharat ke pran mahatma karn'
- 'gopalan'
- 'shiksha'
- 'badrinath darshan'
- 'muktinath darshan'
- 'mahavir hanuman'
mahattvapoorn tathy
- jhoosi pravas ke dauran prabhudatt brahmachari ne upavas ke sath ganga ke jal mean pravisht ho samadhisth sthiti mean gayatri mantr ka parayan kiya tha.
- vrindavan mean vastr ke sthan par tat ka prayog kar yamuna par sahasroan gayoan ko sath lekar gaucharan kiya.
- ek bar gauraksha ke prakaran par ve vriandavan mean shasan ke viruddh amaran anashan par baith ge. desh ke lakhoan log unake sath ho lie. tatkalin pradhanamantri iandira gaandhi ke agrah evan ashvasan par hi unhoanne ras-pan kiya tha.
- ve ashukavi the. shrimadbhagavat gita, upanishad, brahmasootr adi atyant durooh granthoan ki saral subodh hindi mean vyakhya kar tulasidas ke anuroop janakalyan kary kiya. unhoanne shrimadbhagavat ko 118 bhagoan mean jan samany ki saral bhasha mean prastut kiya tha.
- prabhudatt brahmachari dvara rachit brajabhasha ke sulalit chhand (chhappay) bodhagamy evan gey hai, jinaka aj bhi sthan-sthan par vady-vriand sangati ke sath parayan kar log anandit hote haian.
nidhan
sant prabhudatt brahmachari ne sanvat 2047 (1990 ee.) ke chaitr mah mean krishn paksh ki pratipada tithi ko bhautik deh ka tyag prasiddh dharmik nagari vrindavan, mathura mean kiya.
tika tippani aur sandarbh
sanbandhit lekh
varnamala kramanusar lekh khoj