vishay soochi
shrigitagovindamh -shril jayadev gosvami
pratham sarg
samod-damodar
ath chaturth sandarbh
4. gitamh
shrikrishn ke aango ka saundary varnan karate hue sakhi kahati hai ki ve nilakamal se bhi adhik shyamal tatha komal haian. indivar shabd se shitalatv, shyamalatv aur komalatv soochit hota hai. aur bhi indivar shabd se shaity aur shreni shabd se nav-navayamanatv samajha jata hai. shyamal shabd se sundaratv aur komal shabd se sukumaratv ghoshit hota hai. apane in komalatam aango ke dvara shrikrishn kamotsav mana rahe haian. vrajasundariyaan bina kisi avarodh ke svachhandatapoorvak unake un-un aango ka aliangan kiye hue haian. ras nishpatti do prakar se hoti hai. nayak ka nayika ke prati tatha nayika ka nayak ke prati anurag se. nayak ka nayika ke prati anurag rahane par bhi nayika ka nayak ke prati jab tak anurag nahian hota tab tak ras ki nishpatti nahian ho sakati hai. prashn hota hai ki yahaan to paraspar anuranjan matr hua hai, tab ras kahaan hai? vibhav, anubhav, sattvik tatha sanchari bhavoan ke sammilan mean ras ki sthiti hai. yahi ras sneh, man, pranay, rag-anurag, bhav-mahabhav adi ke kram se abhivarddhit hota hai. at: jab prem ka paripak ho jata hai tab ras ka abhyuday hota hai. yah prem-ras jab prakashit hone lagata hai, tab nayak-nayika mean kal, desh aur kriya ke sambandh mean koee shankoch nahian rahata. ni:shankoch bhav rahane par bhi milan mean sampoornata nahian ho sakati, isake uttar mean kahate haian ki mahabhav ras ke dvara sarvaang milan siddh hota hai. pun: shanka hone par ki shrikrishn ne aanganaoan ka keval ekadeshiy roop mean avalokan kiya hai to isaka nirakaran yah hai ki pratyangamaliangit arthat shrikrishn ne sarvaang ek-ek aang ko yathochit kriyaoan dvara aliangan, chumban, sparsh adi ke dvara un sabaka anuranjan kiya hai. ab phir yah prashn samane aya ki ekaki shrikrishn ne sabaka aliangan kaise kiya? samadhan yah hai ki jaise shrriangar ras ek hokar bhi samast jagat mean parivyapt hai, usi prakar shrikrishn mean bhi sarvavyapakatv hai. isi gun se vah akhilavishv ka anuranjan karate haian. prastut shlok mean dipakalankar hai, vaidarbhi riti hai, shardool vikri dit chhand hai, shrriangar ras hai tatha vakyauchity hai. sampoorn git ki nayika shriradha utkanthita nayika haian. nayak ke dvara viparit acharan kiye jane par jo nayika virahotkanthita tatha udas rahati hai, vah utkanthita nayika kahalati hai ॥1॥ |
tika tippani aur sandarbh
sanbandhit lekh
sarg | nam | prishth sankhya |