panchasaptatitam (75) adhhyay: anushasan parv (danadharm parv)
mahabharat: anushasan parv: panchasaptatitam adhyay: shlok 1-18 ka hindi anuvad
bhishm ji ne kaha- yudhishthir! jo manushy shastrokt vidhi se kisi vrat ko arambh karake use akhand roop se nibha dete haian, unhean sanatan lokoan ki prapti hoti hai. rajan! sansar mean niyamoan ke palan ka phal to pratyaksh dekha jata hai. tumane bhi yah niyamoan aur yajnoan ka hi phal prapt kiya hai. vedoan ke svadhyay ka phal bhi ihalok aur paralok mean bhi dekha jata hai. svadhyayashil dvij ihalok aur brahmalok mean bhi sada anand bhogata hai. rajan! ab tum mujhase vistarapoorvak dam (indriyasanyam) ke phal ka varnan suno. jitendriy purush sarvatr sukhi aur sarvatr santusht rahate haian. ve jahaan chahate haian, vahian chale jate haian aur jis vastu ki ichchha karate haian, vahi unhean prapt ho jati hai. ve sampoorn shatruoan ka ant kar deete haian. isamean sanshay nahian hai. paandunandan! jitendriy purush sarvatr sampoorn manachahi vastuaian prapt kar lete haian. ve apani tapasya, parakram, dan tatha nana prakar ke yajnoan se svargalok mean anand bhogate haian. indriyoan ka daman karane vale purush kshamashil hote haian. dan se dam ka sthan ooancha hota hai. dani purush brahman ko kuchh dan karate samay kabhi krodh bhi kar sakata hai; parantu damanashil ya jitendriy purush kabhi krodh nahian karata; isaliye dam (indriyasanyam) dan se shreshth hai. jo data bina krodh kiye dan karata hai, use sanatan (nity) lok prapt hote haian. dan karate samay yadi krodh a jaye to vah dan ke phal ko nasht kar deta hai; isaliye us krodh ko dabane vala jo dam namak gun hai, vah dan se shreshth mana gaya hai. maharaj! nareshhvar! sampoorn lokoan mean nivas karane vale rrishiyoan ke svarg mean sahasroan adrishhy sthan haian, jinamean dam ke palan dvara mahan lokoan ki ichchha rakhane vale maharshi aur devata is lok se jate haian; atah ‘dam’ dan se shreshth hai. narendr! shishhyoan ko ved padhane vala adhyapak klesh sahan karane ke karan akshay phal ka bhagi hota hai. agni mean vidhipoorvak havan karake brahman brahmalok mean pratishthit hota hai. |
tika tippani aur sandarbh
sanbandhit lekh
varnamala kramanusar lekh khoj