vishay soochi
brahm vaivart puran
ganapatikhand: adhyay 36
matsyaraj ke vadh ke pashchat anekoan rajaoan ka ana aur parashuram dvara mara jana, punah raja suchandr aur parashuram ka yuddh, parashuram dvara kalistavan, brahma ka akar parashuram ko yukti batana, parashuram ka raja suchandr se mantr aur kavach maangakar usaka vadh karana shri narayan kahate haian– narad! yuddh mean matsyaraj ke gir jane par maharaj kartaviry ke bheje hue brihadbal, somadatt, vidarbh, mithileshvar, nishadharaj, magadhadhipati evan kanyakubj, saurashtr, radhiy, varendr, saumy bangiy, maharashtr, gurjarajatiy aur kaliang adi ke saik doan-saik doan raja barah akshauhini sena ke sath aye; parantu parashuram ji ne sabako ranabhoomi mean sula dala. yah dekhakar ek lakh narapatiyoan ke sath barah akshauhini sena lekar raja suchandr ranasthal mean aye. suchandr ke sath bhayanak yuddh hua, par ve parast n ho sake. tab parashuram ne dekha ki mundamala dharan kiye hue vikatanana bhayankari jagajjanani bhadrakali unaki raksha kar rahi haian. yah dekhakar parashuram ne shastrastr ka tyag karake mahamaya ki stuti arambh ki. parashuram bole– ap shankar ji ki priyatama patni haian, apako namaskar hai. sarasvaroopa apako baranbar pranam hai. durgatinashini ko mera abhivadan hai. mayaroopa apako maian baranbar sir jhukata hooan. jagadhdhatri ko namaskar-namaskar. jagatkartri ko punah-punah pranam. jagajjanani ko mera namaskar prapt ho. karanaroopa apako baranbar abhivadan hai. srishti ka sanhar karane vali jaganmata! prasann hoiye. maian apake charanoan ki sharan grahan karata hooan, meri pratijna saphal kijiye. mere prati apake vimukh ho jane par kaun meri raksha kar sakata hai? bhaktavatsale! shubhe! ap mujh bhakt par kripa kijiye. sumukhi! pahale shivalok mean ap logoan ne mujhe jo varadan diya tha, us var ko apako saphal karana chahiye. parashuram dvara kiye gaye is stavan ko sunakar ambika ka man prasann ho gaya aur ‘bhay mat karo’ yoan kahakar ve vahian antardhan ho gayian. jo manushy bhaktipoorvak is parashuramakrit stotr ka path karata hai, vah anayas hi mahan bhay se chhoot jata hai. vah triloki mean poojit, trailokyavijayi, jnaniyoan mean shreshth aur shatrupaksh ka vimardan karane vala ho jata hai[1]isi bich brahma ji dharmatmaoan mean shreshth bhriguvanshi parashuram ke pas akar unase us rahasy ka varnan karane lage. brahma ji bole– mahabhag ram! apani pratijna saphal karane ke liye pahale tum suchandr ki vijay ke hetubhoot rahasy ka mujhase shravan karo. poorvakal mean durvasa ne suchandr ko dashakshari mahavidya tatha bhadrakali ka param durlabh kavach pradan kiya tha. bhadrakali ka kavach devataoan ke liye bhi atyant durlabh hai. yah kavach sampoorn shatruoan ka vinash karane vala, atyant poojaniy, prashansaniy aur triloki par vijay pane ka karan hai. vah kavach jisake gale mean vartaman hai, use jitane ke lie bhootal par tum kaise samarth ho sakate ho? atah bhargav! tum bhiksha ke liye jao aur raja se prarthana karo. sooryavansh mean utpann hua vah raja param dharmatma evan dani hai. maangane par vah nishchay hi pran, kavach, mantr adi sab kuchh de dalega. mune! tab parashuram sannyasi ka vesh dharan karake raja ke pas gaye aur usase unhoanne mantr tatha param adbhut kavach ki yachana ki. tab raja ne atyant adarapoorvak unhean mantr aur kavach de diya. tadanantar parashuram ne shankar ji ke trishool se us raja ka kam tamam kar diya. |
tika tippani aur sandarbh
- ↑
parashuram uvach–
namah shankarakantayai sarayai te namo namah. namo durgatinashinyai mayayai te namo namah..
namo namo jagadhdhatryai jagatkartryai namo namah. namoastu te jaganmatre karanayai namo namah..
prasid jagataan matah srishtisanharakarini. tvatpade sharanan yami pratijnaan sarthikaan kuru..
tvayi me vimukhayaan ch ko maan rakshitumishvarah. tvan prasanna bhav shubhe maan bhaktan bhaktavatsale..
yushmabhiah shivaloke ch mahyan datto varah pura. tan varan saphalan kartuan tvamarhasi varanane..
jamadagnyastavan shrutva prasannabhavadambika. ma bhairityevamuktva tu tatraivantaradhiyat..
etadh bhrigukritan stotran bhaktiyuktashch yah patheth. mahabhayath samuttirnah s bhavedavalilaya..
s poojitashch trailokye trailokyavijayi bhaveth. jnanishreshtho bhavechchaiv vairipakshavimardakah..-(ganapatikhand 36. 29-36)
sanbandhit lekh
adhyay | vishay | prishth sankhya |