'shrimadbhagavat mahapuran'[1] ke anusar- shrishukadevaji kahate haian- "parikshit! bhagavan shrikrishn ne dekha ki mata-pita ko mere aishvary ka, mere bhagavadbhav ka jnan ho gaya hai, parantu inhean aisa jnan hona thik nahian[2], aisa sochakar unhoanne un par apani vah yogamaya phaila di, jo unake svajanoan ko mugdh rakhakar unaki lila mean sahayak hoti hai. yaduvanshashiromani bhagavan shrikrishn b de bhaee balaram ke sath apane mata-pita ke pas jakar adarapoorvak aur vinay se jhukakar "meri amma! mere pitaji!" in shabdoan se unhean prasann karate hue kahane lage- "pitaji! mataji! ham apake putr haian aur ap hamare liye sarvada utkanthit rahe haian, phir bhi ap hamare baly, paugand aur kishor-avastha ka sukh hamase nahian pa sake. durdaivavash ham logoan ko apake pas rahane ka saubhagy hi nahian mila. isi se balakoan ko mata-pita ke ghar mean rahakar jo la d-pyar ka sukh milata hai, vah hamean bhi nahian mil saka. pita aur mata hi is sharir ko janm dete haian aur isaka lalan-palan karate haian. tab kahian jakar yah sharir dharm, arth, kam athava moksh ki prapti ka sadhan banata hai. yadi koee manushy sau varsh tak jikar mata aur pita ki seva karata rahe, tab bhi vah unake upakar se urrin nahian ho sakata. jo putr samarthy rahate bhi apane maan-bap ki sharir aur dhan se seva nahian karata, usake marane par yamadoot use usake apane sharir ka maans khilate haian. jo purush samarth hokar bhi boodhe mata-pita, sati patni, balak, santan, guru, brahman aur sharanagat ka bharan-poshan nahian karata, vah jita hua bhi murde ke saman hi hai. pitaji! hamare itane din vyarth hi bit gaye. kyoanki kans ke bhay se sada udvignachit rahane karan ham apaki seva karane mean asamarth rahe. meri maan aur mere pitaji! ap donoan hamean kshama karean. hay! dusht kans ne apako itane-itane kasht diye, parantu ham paratantr rahane ke karan apaki koee seva-shushroosha n kar sake."
shrishukadevaji kahate haian- "parikshit! apani lila se manushy bane hue vishvatma shrihari ki is vani se mohit ho devaki-vasudev ne unhean god mean utha liya aur hriday se chipakakar paramanand prapt kiya. rajan! ve sneh-pash se bandhakar poornatah mohit ho gaye aur aansuo ki dhara se abhishek karane lage. yahaan tak ki aansuoan ke karan gala rooandh jane se ve kuchh bol bhi n sake. devakinandan bhagavan shrikrishn ne is prakar apane mata-pita ko santvana dekar apane nana ugrasen ko yaduvanshiyoan ka raja bana diya aur unase kaha- "maharaj! ham apaki praja haian. ap ham logoan par shasan kijiye. raja yayati ka shap hone ke karan yaduvanshi rajasianhasan par nahian baith sakate;[3] jab maian sevak banakar apaki seva karata rahooanga, tab b de-b de devata bhi sir jhukakar apako bheant deange." doosare narapatiyoan ke bare mean to kahana hi kya hai.
parikshit! bhagavan shrikrishn hi sare vishv ke vidhata haian. unhoanne, jo kans ke bhay se vyakul hokar idhar-udhar bhag gaye the, un yadu, vrishni, andhak, madhu, dasharh aur kukur adi vanshoan mean utpann sajatiy sambandhiyoan ko dhooandh-dhooandhakar bulavaya. unhean ghar se bahar rahane mean b da klesh uthana p da tha. bhagavan ne unaka satkar kiya, santvana di aur unhean khoob dhan-sampatti dekar tript kiya tatha apane-apane gharoan mean basa diya. ab sare-ke-sare yaduvanshi bhagavan shrikrishn tatha balaramaji ke bahubal se surakshit the. unaki kripa se unhean kisi prakar ki vyatha nahian thi, duahkh nahian tha. unake sare manorath saphal ho gaye the. ve kritarth ho gaye the. ab ve apane-apane gharoan mean anand se vihar karane lage. bhagavan shrikrishn ka vadan anand ka sadan hai. vah nity praphullit, kabhi n kumhalane vala kamal hai. usaka saundary apar hai. saday has aur chitavan us par sada nachati rahati hai. yaduvanshi din-pratidin usaka darshan karake anandamagn rahate. mathura ke vriddh purush bhi yuvakoan ke saman atyant balavan aur utsahi ho gaye the; kyoanki ve apane netroan ke donoan se baranbar bhagavan ke mukharavind ka amritamay makarand-ras pan karate rahate the.
priy parikshit! ab devakinandan bhagavan shrikrishn aur balaramaji donoan hi nandababa ke pas aye aur gale lagane ke bad unase kahane lage- "pitaji! apane aur maan yashoda ne b de sneh aur dular se hamara lalan-palan kiya hai. isamean koee sandeh nahian ki mata-pita santan par apane sharir se bhi adhik sneh karate haian. jinhean palan-poshan n kar sakane ke karan svajan-sambandhiyoan ne tyag diya hai, un balakoan ko jo log apane putr ke saman la d-pyar se palate haian, ve hi vastav mean unake maan-bap haian. pitaji! ab ap log braj mean jaiye. isamean sandeh nahian ki hamare bina vatsaly-sneh ke karan ap logoan ko bahut duahkh hoga. yahaan ke suhridh-sambandhiyoan ko sukhi karake ham ap logoan se milane ke liye ayeange." bhagavan shrikrishn ne nandababa aur doosare brajavasiyoan ko is prakar samajha-bujhakar b de adar ke sath vastr, abhooshan aur anek dhatuoan ke bane baratan adi dekar unaka satkar kiya. bhagavan ki bat sunakar nandababa ne prem se adhir hokar donoan bhaiyoan ko gale laga liya aur phir netroan mean aansoo bharakar gopoan ke sath braj ke liye prasthan kiya.
he rajan! isake bad vasudevaji ne apane purohit gargachary tatha doosare brahmanoan se donoan putroan ka vidhipoorvak dvijati-samuchit yajnopavit sanskar karavaya. unhoanne vividh prakar ke vastr aur abhooshanoan se brahmanoan ka satkar karake unhean bahut-si dakshina tatha bachh doan vali gauean dian. sabhi gauean gale mean sone ki mala pahale hue thian tatha aur bhi bahut se abhooshanoan evan reshami vastroan ki malaoan se vibhooshit thian. mahamati vasudevaji ne bhagavan shrikrishn aur balaramaji ke janm-nakshatr mean jitani gauean man-hi-man sankalp karake di thian, unhean pahale kans ne anyay se chhin liya tha. ab unaka smaran karake unhoanne brahmanoan ko ve phir se dian. is prakar yaduvansh ke achary gargaji se sanskar karakar balaramaji aur shrikrishn dvijatv ko prapt hue. unaka brahmachary akhand to tha hi, ab unhoanne gayatripoorvak adhyayan karane ke liye use niyamatah svikar kiya. shrikrishn aur balaram jagat ke ekamatr svami haian. sarvajn haian. sabhi vidyaean unhian se nikali haian. unaka nirmal jnan svatahsiddh hai. phir bhi unhoanne manushy-si lila karake use chhipa rakha tha.
ab ve donoan gurukul mean nivas karane ki ichchha se kashyapagotri sandipani muni ke pas gaye, jo avantipur (ujjain) mean rahate the. ve donoan bhaee vidhipoorvak guruji ke pas rahane lage. us samay ve b de hi susanyat, apani cheshtaoan ko sarvatha niyamit rakhe hue the. guruji to unaka adar karate hi the, bhagavan shrikrishn aur balaramaji bhi guru ki uttam seva kaise karani chahiye, isaka adarsh logoan ke samane rakhate hue b di bhakti se ishtadev ke saman unaki seva karane lage. guruvar sandipaniji unaki shuddhabhav se yukt seva se bahut prasann hue. unhoanne donoan bhaiyoan ko chhahoan aang aur upanishadoan ke sahit sampoorn vedoan ki shiksha di. inake siva mantr aur devataoan ke jnan ke sath dhanurved, manusmriti adi dharmashastr, mimaansa adi, vedoan ka tatpary batalane vale shastr, tarkavidya (nyayashastr) adi ki bhi shiksha di. sath hi sandhi, vigrah, yan, asan, dvidh aur ashray-in chhah bhedoan se yukt rajaniti ka bhi adhyayan karaya.
parikshit! bhagavan shrikrishn aur balaram sari vidyaoan ke pravartak haian. is samay keval shreshth manushy ka-sa vyavahar karate hue hi ve adhyayan kar rahe the. unhoanne guruji ke keval ek bar kahane matr se sari vidyaean sikh lian. keval chauansath din-rat mean hi sanyamishiromani donoan bhaiyoan ne chauansatho kalaoan ka[4] jnan prapt kar liya. is prakar adhyayan samapt hone par unhoanne sandipani muni se prarthana ki ki "apaki jo ichchha ho, guru-dakshina maang lean." maharaj! sandipani muni ne unaki adbhut mahima aur alaukik buddhi ka anubhav kar liya tha. isaliye unhoanne apani patni se salah karake yah gurudakshina maangi ki "prabhas kshetr mean hamara balak samudr mean doobakar mar gaya tha, use tum log la do." balaramaji aur shrikrishn ka parakram anant tha. donoan hi maharathi the. unhoanne ‘bahut achchha’ kahakar guruji ki ajna svikar ki aur rath par savar hokar prabhas kshetr mean gaye. ve samudr tat par jakar kshanabhar baithe rahe. us samay yah janakar ki ye sakshat parameshvar haian, anek prakar ki pooja-samagri lekar samudr unake samane upasthit hua. bhagavan ne samudr se kaha- "samudr! tum yahaan apani b di-b di tarangoan se hamare jis guruputr ko baha le gaye the, use lakar shighr hamean do."
manushy veshadhari samudr ne kaha- "devadhidev shrikrishn! maianne us balak ko nahian liya hai. mere jal mean panchajan nam ka ek b da bhari daity jati ka asur shankh ke roop mean rahata hai. avashy hi usi ne vah balak chura liya hoga." samudr ki bat sunakar bhagavan turant hi jal mean ja ghuse aur shankhasur ko mar dala. parantu vah balak usake pet mean nahian mila. tab usake sharir ka shankh lekar bhagavan rath par chale aye. vahaan se balaramaji ke sath shrikrishn ne yamaraj ki priy puri sanyami mean jakar apana shankh bajaya. shankh ka shabd sunakar sari praja ka shasan karane vale yamaraj ne unaka svagat kiya aur bhaktibhav se bharakar vidhipoorvak unaki bahut b di pooja ki. unhoanne namrata se jhukakar samast praniyoan ke hriday mean virajaman sachchidanand-svaroop bhagavan shrikrishn se kaha- "lila se hi manushy bane hue sarvavyapak parameshvar! maian ap donoan ki kya seva karooan?."
shribhagavan ne kaha- "yamaraj! yahaan apane karmabandhan ke anusar mera guruputr laya gaya hai. tum meri ajna svikar karo aur usake karm par dhyan n dekar use mere pas le ao." yamaraj ne ‘jo ajna’ kahakar bhagavan ka adesh svikar kiya aur unaka guruputr la diya. tab yaduvanshashiromani bhagavan shrikrishn aur balaramaji us balak ko lekar ujjain laut aye aur use apane gurudev ko sauanpakar kaha ki "ap aur jo kuchh chahean, maang lean."
guruji ne kaha- "beta! tum donoan ne bhalibhaanti guru dakshina di. ab aur kya chahiye? jo tumhare jaise purushottamoan ka guru hai, usaka kaun-sa manorath apoorn rah sakata hai? viroan! ab tum donoan apane ghar jao. tumhean lokoan ko pavitr karane vali kirti prapt ho. tumhari padhi huee vidya is lok aur paralok mean sada navin bani rahe, kabhi vismrit n ho." beta parikshit! phir guruji se ajna lekar vayu ke saman veg aur megh ke saman shabd vale rath par savar hokar donoan bhaee mathura laut aye. mathura ki praja bahut dinoan tak shrikrishn aur balaram ko n dekhane se atyant duahkhi ho rahi thi. ab unhean aya hua dekh sab-ke-sab paramanand mean magn ho gaye, mano khoya hua dhan mil gaya ho.
tika tippani aur sandarbh
- ↑ dasham skandh, adhyay 45, shlok 1-50
- ↑ isase to ye putr-sneh ka sukh nahian pa sakate.
- ↑ parantu meri aisi hi ichchha hai, isaliye apako dosh n hoga.
- ↑ 'chauansath kalaean' ye haian- 1. gan vidya, 2. vady- bhaanti-bhaanti ke baje bajana, 3. nrity, 4. naty, 5. chitrakari, 6. bel-boote banana, 7. chaval aur pushpadi se pooja ke upahar ki rachana karana, 8. phooloan ki sej banana, 9. daant, vastr aur aangoan ko rangana, 10. maniyoan ki pharsh banana, 11. shayya-rachana, 12. jal ko baandh dena, 13. vichitr siddhiyaan dikhalana, 14. har-mala adi banana, 15. kan aur choti ke phooloan ke gahane banana, 16. kap de aur gahane banana, 17. phooloan ke abhooshanoan se shrriangar karana, 18. kanoan ke pattoan ki rachana karana, 19. sugandhit vastuean- itr, tail adi banana, 20. indrajal-jadoogari, 21. chahe jaisa vesh dharan kar lena, 22. hath ki phurti ke kam, 23. tarah-tarah ki khane ki vastuean banana, 24. tarah-tarah ke pine ke padarth banana, 25. suee ka kam, 26. kathaputali banana, nachana, 27. paheli, 28. pratima adi banana, 29. kootaniti, 30. granthoan ke padhane ki chaturi, 31. natak, akhyayika adi ki rachana karana, 32. samasya poorti karana, 33. patti, beant, ban adi banana, 34. galiche, dari adi banana, 35. badhee ki karigari, 36. grih adi banane ki karigari, 37. sone, chaandi adi dhatu tatha hire-panne adi ratnoan ki pariksha, 38. sona-chaandi adi bana lena, 39. maniyoan ke rang ko pahachanana, 40. khanoan ki pahachan, 41. vrikshoan ki chikitsa, 42. bhe da, murga, bater adi ko l dane ki riti, 43. tota-maina adi ki boliyaan bolana, 44. uchchatan ki vidhi, 45. keshoan ki saphaee ka kaushal, 46. mutthi ki chij ya man ki bat bata dena, 47. mlechchh-kavyoan ka samajh lena, 48. vibhinn deshoan ki bhasha jnan, 49. shakun-apashakun janana, prashnoan ke uttar mean shubhashubh batalana, 50. nana prakar ke matrikayantr banana, 51. ratnoan ko nana prakar ke akaroan mean katana, 52. saanketik bhasha banana, 53. man mean katakarachana karana, 54. nayi-nayi batean nikalana, 55. chhal se kam nikalana, 56. samast keshoan ka jnan, 57. samast chhandoan ka jnan, 58. vastroan ko chhipane ya badalane ki vidya, 59. dyoot kri da, 60. door ke manushy ya vastuoan ka akarshan kar lena, 61. balakoan ke khel, 62. mantr vidya, 63. vijay prapt karane vali vidya, 64. vetal adi ko vash mean rakhane ki vidya.
sanbandhit lekh
varnamala kramanusar lekh khoj